2020 წლის “ბლექ სი არენამ” ქვეყნის ბიუჯეტი 4,5 მილიონით აზარალა, ხოლო დაარსებიდან 2020 წლამდე 33 მილიონის სუბსიდია მიიღო – ინფორმაციას “ფლანგვის დეტექტორი” ავრცელებს. მათი ცნობით, ბიძინა ივანიშვილის “ნაჩუქარი” საკონცერტო დარბაზის შენახვა და დასაქმებულთა ხელფასები სახელმწიფოს 2017-2020 წლებში 29 მილიონ ლარამდე დაუჯდა.
“ბიძინა ივანიშვილის “ნაჩუქარი” საკონცერტო დარბაზის შენახვა და დასაქმებულთა ხელფასები სახელმწიფოს 2017-2020 წლებში 29 მილიონ ლარამდე დაუჯდა. საკონცერტო დარბაზში ბოლო ორი წელია ღონისძიება არ გამართულა, მხოლოდ შენობის შენახვაში კი წელიწადში 5 მილიონ ლარამდე ვიხდით.
მიუხედავად იმისა, რომ ღონისძიებები არ ჩატარებულა, 2019 წელთან შედარებით, კომპანიაში დასაქმებულთა რაოდენობა გაზრდილია. მომსახურე პერსონალის ხელფასებმა მხოლოდ 2020 წელს 2 მილიონ ლარზე მეტი შეადგინა.
2017-2020 წლებში ბლექ სი არენამ დაახლოებით 33 მილიონი ლარის სუბსიდია მიიღო სახელმწიფო ბიუჯეტიდან; ამავე წლებში ბლექ სი არენას აკუმულირებულმა ზარალმა ჯამში 18.4 მილიონ ლარზე მეტი შეადგინა”,- ნათქვამია განცხადებაში.
კომენტარები