“იქნებ პირველად გამოვიყენოთ სახალხო საკონსტიტუციო ინიციატივის უფლება – ნებისმიერი სიოს დაბერვა რისკებს არ უნდა გვიჩენდეს” – ჯიბღაშვილი

სამართლის დოქტორი, შავი ზღვის საერთაშორისო უნივერსიტეტის ასოცირებული პროფესორი, ზურაბ ჯიბღაშვილი:

“ლიეტუვას აქვს კონსტიტუციური აქტი პოსტსაბჭოურ აღმოსავლურ კავშირებთან ლიეტუვის რესპუბლიკის არ მიერთების შესახებ. ამ კანონში ნათქვამია, რომ ლიეტუვა ხედავს სსრკ-ს ნებისმიერი ფორმით შენარჩუნების მცდელობის ძალისხმევას, მის მიერ დაპყრობილი ტერიტორიების ჩათვლით. ასევე აღნიშნა პსოტსაბჭოურ აღმოსავლურ ბლოკში ლიეტუვას ჩათრევის (ამ სიტყვას იყენებს) მცდელობის შესახებ.

ამიტომ დაადგინა, რომ განვითარდეს ურთიერთსასარგებლო კავშირები ადრე სსრკ-ს შემადგენლობაში შემავალ ყველა სახელმწიფოსთან, მაგრამ არასოდეს, არანაირი სახით, არ შეუერთდეს სსრკ-ს ბაზაზე სახელმწიფოთა ნებისმიერ ახლად შექმნილ პოლიტიკურ, სამხედრო, ეკონომიკურ ან სხვა კავშირს ანდაც გაერთიანებას.

ამ კანონით ასევე იკრძალება ლიეტუვის რესპუბლიკის ტერიტორიაზე რუსეთის, დსთ-სა და მასში შემავალ სახელმწიფოთა სამხედრო ბაზებისა და ნაწილების ყოფნა.

ბევრი რამ გამოვტოვეთ, დავიგივიანეთ, მაგრამ იქნებ მსგავსი კანონი კიდევ გვჭირდება? 2009-2010 წლებში კი იყო ეს აზრი და პროექტიც მომზადდა, მაგრამ მერე რატომღაც შეჩერდა.

იქნებ პირველად გამოვიყენოთ სახალხო საკონსტიტუციო ინიციატივის უფლება. იმიტომ, რომ პროდასავლური (პროცივილიზაციური) არჩევანი არის არა პერსონალზიებული, არამედ ჩვენი საზოგადოების არჩევანი და ნებისმიერი სიოს დაბერვა რისკებს არ უნდა გვიჩენდეს.”