მენანებიან ის პოლიტიკოსები, ვისაც სააკაშვილის დაპირების სჯერა, რომ ის ერთპიროვნული მმართველობით არ მოვა ხელისუფლებაში”– განაცხადა მაია ნიკოლეიშვილმა რადიო “იმედი”-ს ეთერში სტუმრობისას, როდესაც გამოეხმაურა მიხეილ სააკაშვილის განცხადებას, რომ ხელისუფლებაში ის მხოლოდ კოალიციური მმართველობით დაბრუნდება და არა ერთპიროვნულად.
“ვისაც ჰგონია, რომ ზვიგენი, უცებ გახდება ბალახისმჭამელი და ვისაც ამის სჯერა, მათ უკვე გაიერთპროცენტეს თავი. ვინ არის სააკაშვილის მომთვინიერებელი? ეს ხომ წარმოუდგენელი რამ არის, გამორიცხულია. მან უკვე შეჭამა ეს პარტიები, ოღონდ, ისინი ამას გრძნობენ, მაგრამ სხვა გზა არ აქვთ, რადგან ერთხელ უკვე ისე გაისვარნენ, რომ ვეღარ გასუფთავდებიან.
რა თქმა უნდა, სააკაშვილი ვერ დაბრუნდება, მაგრამ თეორიულად რომ დავუშვათ, პირველს მათ შეჭამს (იგულისხმება მცირე ოპოზიციური პარტიები)
სააკაშვილი, ეს არის გარკვეული კასტა, რომელიც არ გიღებს. იყო ასეთი სუბკულტურა, დაუწერელი კანონი იყო, რომ შენ, რაც არ უნდა გაუკეთო, არიფი ხარ და ვალდებული ხარ და სააკაშვილი მისი გარემოცვით, ზუსტად ასეთივეა, ეს სუბკულტურაა, ერბოკვერცხი რომ მოუწვა ხელზე, შენ, მაინც მსახური ხარ მისთვის და ამას ეს პოლიტიკური პარტიები და ლიდერები ვერ ხვდებიან”– განაცხადა მაია ნიკოლეიშვილმა.
კომენტარები