თბილისა და რუსთავს შორის მარათონი, აზერბაიჯანის დამოუკიდებლობის 30 წლისთავს ეძღვნება, რომელიც 18 ოქტომბერს აღინიშნება.
მარათონისთვის განკუთვნილი დისტანცია 30 კილომეტრია და იგი სტარტს თბილისში მდებარე ჰეიდარ ალიევის პარკიდან იღებს.
მასში მონაწილეობას 300-მდე ადამიანი იღებს.
პირველი 3 ადამიანი, ქალებისა და მამაკაცების კატეგორიებიდან, ვინც ფინიშის ხაზს პირველები გადაკვეთენ, მიიღებენ მედლებს, დიპლომებსა და სხვადასხვა წამახალისებელ პრიზებს. ყველა დანარჩენ მონაწილეს, რომელიც ფინიშთან მივა, სერტიფიკატები გადაეცემათ.
მარათონის ორგანიზატორები არიან: საქართველოში აზერბაიჯანის საელჩო, ნავთობკომპანია SOCAR, მირზა ფათალი ახუნდოვის სახელობის აზერბაიჯანული კულტურის ცენტრი და აზერბაიჯანის ბიზნეს ასოციაცია.
კომენტარები