,,ქართული ოცნება” ბოლო რამდენიმე დღეა ე.წ. ცოცხების კამპანიას აწარმოებს და თავიანთ აქტივისტებსა და იმ საჯარო მოხელეებს, რომლებზე მანიპულირებას, სამსახურის დაკარგვის მუქარით ახდენენ, ქუჩაში სხვადასხვა აქტივობებში ცოცხებით ხელში გამოსვლას აიძულებენ და ამით ცდილობენ საზოგადოებას ციხის კადრები გაახსენონ, რომლითაც ისინი ხელისუფლებაში მოვიდნენ.
წინა ხელისუფლებით და 9 წლით მანიპულირება ,,ქართული ოცნების” ნაცადი, მაგრამ უკვე ვადაგასული ტაქტიკაა, რომელიც ამომრჩეველზე ფაქტობრივად აღარ მოქმედებს, რაც 2021 წლის ადგილობრივი თვითმმართველობის არჩევნებმაც დაადასტურა და ყველა დიდი ქალაქში მეორე ტურია დანიშნული, რიგ მათგანში კი ადგილობრივი ხელისუფლების უმრავლესობაში ოპოზიციაა.
ტელეკომპანია ,,ტვ პირველისთვის” მაყურებლის მიერ გაგზავნილი შეტყობინების მიხედვით, რომელიც გუშინ 16 ოქტომბერს ,,ნოდარ მელაძის შაბათში” გასაჯაროვდა, ირკვევა, რომ ,,ქართული ოცნების” ე.წ. კოორდინატორებმა და აგიტატორებმა, არჩევნების მეორე ტურამდე შესაძლებელია ცოცხების თანხლებით იარონ, რათა მოსახლეობას ის შეგრძნებები გაუღვიძოს, რომელიც 2012 წლის წინა საარჩევნო პერიოდში ჰქონდა და მათ არჩევანზე ამით ზეგავლენა მოახდინონ.
ამის შესახებ მინიშნება, კულტურის მინისტრმა თეა წულუკიანმაც გააკეთა და აღნიშნა, რომ მეორე ტურისთვის ამომრჩევლის ინფორმირებულობა აუცილებელია.
,, ჩვენ, მეორე მხარეს მდგომი პოლიტიკოსები, ყველაფერს გავაკეთებთ, რათა ხალხმა ინფორმირებული არჩევანი გააკეთოს და ეს არ მოხდეს. ეს არის სწორედ ის, რაც თავიდან უნდა ავიცილოთ. ანუ, წარსულში დაბრუნება”, – განაცხადა წულუკიანმა ,,საზოგადოებრივი მაუწყებლის” ეთერში.
ნიუპოსტი
კომენტარები