“მთავარი არხის” გენერალური დირექტორი, ნიკა გვარამია Facebook-ზე წერს, რომ თბილისის მერიამ და კულტურის სამინისტრომ თბილისის შენობების ავტორზე, არქიტექტორ ალექსანდრე შიმკევიჩიზე წიგნი გამოსცეს, თუმცა ყდაზე ოპერის შენობაა გამოსახული, რომელიც შიმკევიჩს არ ეკუთვნის.
“კულტურის სამინისტროს და თბილის მერიის მიერ გამოიცა წიგნი დიდ არქიტექტორზე, თბილისის ულამაზესი შენობების ავტორზე, ალექსანდრე შიმკევიჩზე.
ყველაფერი კარგი.
მაგრამ არც აციეს, არც აცხელეს და გარეკანზე თბილისის ოპერის შენობა დაახატეს, რომელიც მგონი ერთადერთი გრანდიოზული შენობაა თბილისში, რომელიც შიმკევიჩთან კავშირში არაა. ვიქტორ შრეტერის არქიტექტურაა, განსხვავებით შიმკევიჩის უზენაესი სასამართლოსგან, ულამაზესი აბრეშუმის სახლისგან და მთლად ოპერის გვერდით მდგომი რუსთაველის თეატრისგან.
ასეა, როცა კულტურის მინისტრი ქვეყანაში გამორჩეულად უკულტურო და უწიგნურია და ძირითადად ექსტრადიციებით, ზიზღის ფრქვევით და მიკროფონების წართმევით ერთობა.
მერზე ლაპარაკიც არ ღირს. ეჭვი მაქვს, მილანში მრავალწლიანი ცხოვრების მიუხედავად, ლასკალაში ცალი ფეხიც არ შეუდგამს”,- წერს ნიკა გვარამია.
კომენტარები