რუსთავის ციხესთან მიხეილ სააკაშვილის საწინააღმდეგო აქციას, რომელსაც „ნაციონალური მოძრაობის“ ხელისუფლებაში ყოფნის დროს დაზარალებულები მართავდნენ, ჟურნალისტი გიორგი კაპანაძე სოციალურ ქსელში ეხმიანება. კაპანაძის თქმით, აქციის მონაწილეები რუსეთის სპეცსამსახურების წარმომადგენლები არიან.
“ხალხო, მეტი ტესტი საჭირო აღარც არის… ვინ არიან ტრისტან წითელაშვილი და თენგიზ კიტოვანი? რუსეთის სპეცსამსახურების მეგაფონები საქართველოში. რას ითხოვენ ისინი? მიშას ციხეში ჩატოვებას. ვინ უჭერს მათ მხარს? ქართული ოცნება და კრემლი. ე.ი. ვის უნდა მიშას ციხეში ჩატოვება? ქართულ ოცნებას და კრემლს/რუსეთს. და სად უნდა იდგეს საქართველოს მოქალაქე? ზუსტად იმის საპირისპიროდ, სადაც ეს რუსული მეგაფონები დგანან. რატომ? იმიტომ რომ რუსეთი მტერია. მორჩა, წერტილი. – წერს გიორგი კაპანაძე.
კომენტარები