Netflix-ის მაღალრეიტინგულმა სერიალმა მრავალ ქვეყანაში დააინტერესა მცირეწლოვანი ბავშვებიც, რომლებიც ცდილობენ, „კალმარის თამაშების“ სიუჟეტის იმიტირებას, – ამის შესახებ BBC წერს.
დიდ ბრიტანეთში სკოლების ხელმძღვანელობამ გააფრთხილა მშობლები, დაიცვან ბავშვებისთვის განკუთვნილი მოწყობილობები სერიალზე წვდომისგან. მათი თქმით, 6 წლის ბავშვებიც კი, უკვე სკოლებში იმეორებენ იმ სცენებს, რომელთაც სერიალში უყურეს.
„კალმარის თამაშები“ სამხრეთკორეული სერიალია, რომლის სიუჟეტის მიხედვითაც, ადამიანები, დიდი ფულის სანაცვლოდ, ბავშვობისდროინდელ თამაშებს თამაშობენ, თუმცა, დამარცხებულის გაგდების სანაცვლოდ, მათ ხოცავენ.
Netflix-ის ინფორმაციით, ის 15 წლისა და უფროსი ადამიანებისთვისაა განკუთვნილი.
კომენტარები