ექიმებმა თაფლიანი წყლის მიღება ურჩიეს, მაგრამ ირაკლი და გიორგი უარს აცხადებენ, მხოლოდ წყალზე არიან, ამის შესახებ სოციალურ ქსელში წერს ირაკლი ფარცხალავას მუუღლე ნინო კვიტია. კვიტია მათ ჯანმრთელობის მდგომარეობას მძიმედ აფასებს. მისი თქმით, არსებობს საფრთხე განვითარდეს კომა. “შიმშილობის მე-13 დღე.
სისხლში შაქრის მაჩვენებელი 60-65 ის ფარგლებში აქვთ!
ექიმებმა თაფლიანი წყლის მიღება ურჩიეს, მაგრამ ირაკლი და გიორგი უარს აცხადებენ, მხოლოდ წყალზე არიან…სიცოცხლესთან შეუთავსებელი სხვა საშიში პროცესების პარალელურად
დიდი საფრთხეა ჰიპოგლიკემიური კომის განვითარების… – წერს სოციალურ ქსელში ირაკლი ფარცხალავას მეუღლე. შეგახსენებთ, პატიმრობაში მყოფი კრიმინალური პოლიციის ხელმძღვანელის ყოფილი მოადგილე, ირაკლი ფირცხალავა და პოლიციის ყოფილი პოლკოვნიკი გიორგი ცააძე მიხეილ სააკაშვილს მხარდაჭერას უცხადებენ და მასთან ერთად შიმშილობენ. ცნობისათვის, ზურა ვაზაგაშვილი და საშა ხუბულოვი 2006 წლის 2 მაისს თბილისში, ყოფილი კორტების მიმდებარე ტერიტორიაზე სამართალდამცავებმა მანქანაში ჩაცხრილეს, მათთან მყოფი ერთი ახალგაზრდა კი დაიჭრა. მაშინ პოლიციამ განაცხადა, რომ „ყაჩაღური ჯგუფის“ წინააღმდეგ ჩაატარა სპეცოპერაცია. ამ ვერსიას ვაზაგაშვილის ოჯახმა და უფლებადამცველებმა უნდობლობა გამოუცხადეს და „დამნაშავე“ სამართალდამცველთა დასჯა მოითხოვეს.
ვაზაგაშვილის ოჯახმა ქართულ გამოძიებას უნდობლობა გამოუცხადა და ადამიანის უფლებათა ევროპულ სასამართლოს მიმართა. სტრასბურგმა სარჩელი წარმოებაში 2007 წლის ბოლოს მიიღო.
საქმის ხელახალი გამოძიება ქართულმა მხარემ 2012 წლის ბოლოს ხელისუფლების შეცვლის შემდეგ დაიწყო. სპეცოპერაციიდან 9 წლის შემდეგ, 2015 წლის 2 თებერვალს პროკურატურამ განზრახ მკვლელობის, მტკიცებულებათა ფალსიფიკაციისა და განზრახ უკანონო დაკავების ბრალდებებით 11 ყოფილი და მოქმედი პოლიციელი დააკავა.
მათგან ირაკლი ფირცხალავასა და გიორგი ცააძეს სასამართლოს გადაწყვეტილებით, 12-12 წლით თავისუფლების აღკვეთა შეეფარდათ.
ზურა ვაზაგაშვილის მამა, იური ვაზაგაშვილი, რომელიც თითქმის ცხრა წელი იბრძოდა სიმართლის დასადგენად, 2015 წლის 20 იანვარს მისი შვილის საფლავზე ააფეთქეს.
კომენტარები