“გუშინაც სიძულვილს აფრქვევდნენ თავისუფლების მოედანზე“ – იოსებ ჭუმბურიძე

„რომ მოვალთ, სიძულვილს დავამთავრებთო. – ამბობენ, სიძულვილის გროსმაისტერები,“ – წერს სოციალურ ქსელში ჟურნალისტი იოსებ ჭუმბურიძე.
ასე ჟურნალისტი რუსთაველის გამზირზე გამართულ სააკაშვილის მხარდამჭერ აქციას და ამ აქციაზე გაჟღერებულ მოწოდებებს ეხმაურება.

„თითქოს, მოსულები ერთხელ უკვე არ გვინახავს!
არ გვინახავს მათი სიძულვილი, სისასტიკე და გარყვნილება!
სხვათა შორის, გუშინაც სიძულვილს აფრქვევდნენ თავისუფლების მოედანზე,“- წერს ჟურნალისტი და აქციაზე მხატვარ გია ბუღაძის გამოსვლას აკრიტიკებს.
„მაგალითად, გია ბუღაძე.
ეს კედლების მთხუპნელი „ფერმწერი!”
რაც მან თუნდაც ირაკლი ღარიბაშვილის მიმართ იკადრა?!
ბუღაძემ იმდენი კი უნდა იცოდეს, რომ სხვის გვარზე არ იქილიკოს!”- წერს იოსებ ჭუმბურიძე.

ცნობისათვის, გია ბუღაძემ პრემიერ ირაკლი ღარიბაშვილის გვართან დაკავშირებით გუშინდელ აქციაზე ისაუბრა. მხატვარმა განაცხადა, რომ ღარიბაშვილს გვარი ღატაკიშვილი უფრო შეეფერება, რადგან სინამდვილეში ის ღატაკია, ხოლო ხალხი მდიდარი.

შგახსენებთ, გუშინ, რუსთაველის გამზირზე, პატიმრობაში მყოფი  ექსპრეზიდენტის, მიხეილ სააკაშვილის მხარდამჭერი აქცია გაიმართა. 
სააკაშვილი სამართალდამცავებმა 1 ოქტომბერს დააკავეს. ის რუსთავის მე-12 პენიტენციურ დაწესებულებაში იმყოფება და დაკავების დღიდან შიმშილობს.