აშშ-ში მცხოვრები ექიმი, კოლეგას, საქართველოს მესამე პრეზიდენტის პირად ექიმს, ნიკოლოზ ყიფშიძეს მიმართავს.
“ხშირად მიფიქრია, ძალიან იღბლიანი ვარ ურთიერთობებში. ცხოვრების გზაზე სულ მხვდებიან ადამიანები ვისთან ურთიერთობის ყოველი დღე მეხმარება რომ უკეთესი ვიყო. ჩემს ირგვლივ ყოველთვის არიან ადამიანები ვინც გადაშლილი წიგნივითაა, თუ წაკითხვას არ დაიზარებ საოცრებებს ეზიარები. ბატონო ნიკოლოზ ყოფშიძე, მართლა იღბლიანი ვარ თქვენგან ადამიანობის, მეგობრობის, პროფესიონალიზმის საოცარი გაკვეთილების ყოველდღიური ბედნიერება რომ მაქვს.
სააკაშვილის ციხეში აღმოჩენიდან რამდენიმე საათი იყო გასული ბატონი ნიკასგან გავიგე რომ მასთან ჩასვლას მეორე დღესვე გეგმავდა. გულწრფელად ვიტყვი ძალიან შემეშინდა. მას საჯაროდ ბევრჯერ დაუწერია საკუთარი ჯანმრთელობის მდგომარეობის შესახებ, ამიტომ მივცემ თავს უფლებას ღიად ვისაუბრო რამხელა რისკებთანაა დაკავშირებული მისთვის ეს მოგზაურობა და ციხის დახურულ გარემოში ყოფნა. მისთვის კოვიდი შეიძლება სასიკვდილო საფრთხე აღმოჩნდეს ჯანმრთელობის მდგომარეობის გამო და მიუხედავად ამისა წამით არ უყოყმანია ისე გაჩნდა პაციენტთან და პირად მეგობართან, როგორც კი მას საფრთხე დაემუქრა. ძალიან ცოტა ვიცი ვისაც ასეთი ერთგულება შეუძლია.
დაბადების დღეს გილოცავთ, ბატონო ნიკა! მადლობა ყველაფრისთვის რასაც თქვენგან ვსწავლობ. მადლობა ასეთი პროფესიული და პიროვნული ერთგულების მაგალითისთვის.
ძალიან მიყვარხართ და ვამაყობ რომ თქვენგან ყოველდღიური გაკვეთილების საშუალება მაქვს”, – წერს გეგეჭკორი ფეისბუქზე.
