რომში ანტივაქსერების საპროტესტო აქციის მონაწილეების დასაშლელად პოლიციამ წყლის ჭავლი და ცრემლსადენი გაზი გამოიყენა.
Reuters-ის ინფორმაციით, აქციის მონაწილეები მთავრობის გადაწყვეტილებას აპროტესტებდნენ, რომლის მიხედვითაც ე.წ. მწვანე ბარათების აღება ყველა დასაქმებულისთვის სავალდებულოა.
დემონსტრანტთა ერთმა ჯგუფმა პოლიციის კორდონის გარღვევა და პრემიერ-მინისტრის, მარიო დრაგის ოფისში შეჭრა სცადა, თუმცა პოლიციამ ისინი შეაჩერა.
მთავრობის გადაწყვეტილებით, დასაქმებული, რომელიც 15 ოქტომბრამდე სამსახურში არ წარმოადგენს ე.წ. მწვანე ბარათს, ანაზღაურებას ვერ მიიღებს.
ე.წ. მწვანე ბარათი ციფრული ან ქაღალდზე დაბეჭდილი სერტიფიკატია, რომელიც ადასტურებს, რომ მფლობელმა კოვიდვაქცინის სულ მცირე ერთი დოზა გაიკეთა.
კოვიდსერთიფიკატების მოწინააღმდეგეთა აზრით, მთავრობის ეს გადაწყვეტილება თავისუფლების შეზღუდვა და ვაქცინაციის იძულებაა.
კომენტარები