ბათუმის მესამე საჯარო სკოლის მასწავლებელი, ქეთევან გარაკანიძე სოციალურ ქსელში, ბინის ჩამონგრევის დროს გარდაცვლილი, 12 წლის ბიჭის ნახატს აქვეყნებს. ამბობს, რომ ნახატი, დათა შომახიამ დახატა.
„ეს, იმ ბიჭმა (დათამ) დახატა… წინათგრძნობა ხელოვანს არასოდეს ღალატობს“ , – წერს ქეთევან გარაკანიძე.
ინფორმაციისთვის, ბათუმში 8 ოქტომბერს 26 მაისის ქუჩაზე საცხოვრებელი კორპუსის სადარბაზო ჩამოინგრა. უბედურ შემთხვევას ბათუმში 9 ადამიანის სიცოცხლე ემსხვერპლა, მათ შორის 3 არასრულწლოვანია.
ამასთან, ნანგრევებიდან ამოყვანილი კიდევ ერთი პირი მკურნალობას ბათუმის რეფერალურ საავადმყოფოში გადის. ექიმის თქმით, მისი მდგომარეობა მძიმე, მაგრამ კონტროლირებადია.
„დაიჯესტი“
კომენტარები