ბათუმში, მაშველებმა ნანგრევებიდან კიდევ ორი ცხედარი ამოასვენეს

ბათუმში, 26 მაისის ქუჩაზე, მაშველებმა კიდევ ორი ადამიანი ამოასვენეს.

იქამდე, შს მინისტრმა, ვახტანგ გომელაურმა განაცხადა, რომ სულ სამი ადამიანის ძებნა გრძელდებოდა. მათ შორის იყო დედა-შვილი.

ბათუმში, 26 მაისის ქუჩაზე, სადაც საცხოვრებელი კორპუსის სადარბაზო ჩამოინგრა, სამძებრო-სამაშველო ღონისძიებები გრძელდება. სადარბაზო 8 ოქტომბერს, დაახლოებით, 12:00 საათზე ჩამოინგრა. საძიებო-სამაშველო ოპერაციაში ასობით მაშველია ჩართული.