ადვოკატი, ნათია ჩხეტიანი:
“საშინლად არ მომწონს ის ყველაფერი, რაც დღეს ხდება. კიდეც ერთხელ ვიმეორებ, როდესაც ვარდების რევოლუციის შემოქმედნი გარდაიქმნენ რეჟიმის შემოქმედებათ, ხალხი მასიურად გადავიდა ოპოზიციაში და მიაგო კიდეც საკადრისი პასუხი.
მაგრამ ეს არ გვაძლევს საფუძველს ცუდის დამახსოვრებასთან ერთად დავივიწყოთ, რა შექმნეს ვარდების რევოლუციის ავტორებმა. ჯურღმულიდან, ჭაობიდან, სრული სიბნელისგან, არაფრისგან გამოძერწეს დასავლური ტიპის, ევროპული დონის სახელმწიფო.
მე არასოდეს დამავიწყდება ის წუთები, როდესაც სრულიად საქართველო ბოლომდე გაუცნობიერებელი ბედნიერების მწვერვალზე იდგა და სიხარული გვახრჩობდა, როდესაც ვარდებით ხელში, ხელებაწეული შედიოდა ხალხი პარლამენტში. იქამდე პატარა ბექაც, რომელიც ხელში მეჭირა, სიხარულისგან ხტუნავდა, ეტყობა ჩემი ემოცია გადაედო ან გრძნობდა, რომ მოდიოდა დრო, როდესაც პატარა თითები შეშის ფეჩზე აღარ მიეწვებოდა.
საერთო ბინები გაბურული შეშის ფეჩის კვამლით, კერასინკის, ლამფის მჭვარტლით, გამურული კედლები, სრული სიბნელე, ქაოსი, კრიმინალი თავაშვებული, არა გზა, არა ქუჩა, არა სავალი, აქედან შეიქმნა სახელმწიფო….
ჩვენი თაობა მომსწრეა და კარგად ახსოვს ყველაფრი, სად ვცხოვრობდით და სად აღმოვჩნდით.
ასეთ დიდ საქმეებს, დიდი შეცდომებიც მოსდევს. სწორედ შეცდიმების გამო, ხალხმა გაკეთებული დიდი საქმე გვერდზე გადადო და არჩევანი მეტი დემოკრატიის სასარგებლოდ გააკეთა.
,,ქართულ ოცნებას”, რომელიც სამწუხაროდ ,, ქურდულ ოცნებად”, გარდაიქმნა, მინდა შევახსენო, როდესაც სააკაშვილს მოიხსენიებენ ტერმინებით,
-ეს გიჟი კაცი, ეს დამნაშავე კრიმინალი, ეს სისხლისმსმელი ავანტიურისტი და ასე შემდეგ, ამ კაცმა ჯურღმულისგან ევროპული დონის სახელმწიფო შექმნა, 9 წელი დევნილობაში გაატარა, ახლა ციხის კედლებში შიმშილობს და ზედმეტია უკვე, ჩვენ არც ცუდი დაგვიწყებია, მაგრამ არც კარგს დავუკარგავთ ვინმეს. მხარდაჭერას რაც შეეხება ქართველმა ერმა ერთხმად დაუჭირა მხარი იდეას,
,, ქართული ოცნება, დემოკრატიული სახელმწიფო”, დღეს კი ხელში შეგვრჩა
,, ქურდული ოცნება, მაფიოზური სახელმწიფო”.
არ გვემეტება საქართველო წარსულში დასაბრუნებლად.
არც ადამიანების წამების მომხრე ვარ, თუმცა არც მაფიოზურ სახელმწიფოში ცხოვრების იდეა მხიბლავს.”
კომენტარები