ადვოკატი, ნათია ჩხეტიანი:
“ეს თავხედები მართლა, რა მოწოდებებს აჟღერებენ აქ.
ქუთაისი არ დარჩეს ჭაობში, აბა ქუთაისლებო არ შეირცხვინოთ თავი….
და მდელოზე როდის ვიყავით ნეტავ?
ქუთაისი ვინმეს ახსოვს საერთოდ? მოვლიან კარგი ნაპატიები, მსუქან-მსუქანი მერები, შეიკეტებიან კაბინეტში, ამთქნარებენ უვახშმო ძაღლებივით და მიდიან. რას აკეთებენ, ანადგურებენ მხოლოდ საკანცელარიო ინვენტარს.
გული მეტკინა, 2 წლის წინ საახალწლოდ 30 დეკემბერს ჩაბნელებულ ქუჩებში, რომ დავდიოდი, ომი იწყებოდა მეგონა. 31 დეკემბერს აანთეს ორი გვერდმოტეხილი ნათურა, ბჟუტავდა საცოდავად, ჩამომხრჩვალი კატასავით.
ორმოებზე და გადათხრილ ქუჩებზე რომ არაფერი ვთქვათ.მთელ ქალაქს წრეს ვურტყამთ სამსახურამდე მისასვლელად. თან როგორ გაძვირდა საწვავი? მოკლე გზითაც ვერ ვსარგებლობთ, სადღაა გზა, მალე ფეხით მოგვიწევს სიარული. ვის ორმოდან ექაჩებიან ამოსათრევად და ვინ კანაოში გადავარდნილ მანქანას აწვება აღარ იკითხება.
კოლაუ ნადირაძე და პაოლო იაშვილი რომ საუკუნოდ არეულია ერთმანეთში ეს კიდევ არფერი. ჩაკლეს და გააუბედურეს საქართველოს გული, ქართული კულტურის აკვანი…
და კიდევ იგივე, ისევ ნაპატიები, მსუქანი და უშინაარსო გამომეტყველებით კანდიდატი.
მობილიზდით ქუთაისლებოო, რომ შემოგვძახეთ ამბიონიდან, კი, მოვბილიზდებით აბა რას ვიზამთ.
რადგან ოცნება არ იყენებს წამების მეთოდებს, საბავშვო ბაღის აღსაზრდელიც, რომ წარგვიდგინონ კანდიდატად ხრისტებივით უნდა დავუკრათ ტაში და მივცეთ ხმა, ვითომ დებილი, ჩლუნგი და უისტორიო ერი ვართ.
საკუთარი თავები აიგდეთ საგლახაოდ ჯობია.”
კომენტარები