„ერთმანეთი ძალიან უყვარდათ და იმ ქვეყნადაც ერთად წავიდნენ“ – ახალგაზრდა ცოლ-ქმრის ტრაგიკული ისტორია

28 თებერვალს შუაღამისას, სოფელ დარჩელში ავტოსაგზაო შემთხვევას ემსხვერპლნენ მამუკა ტურავა და ცოლ-ქმარი, დათო სოსელია და ნანა ჯალაღონია.

„გამორჩეული ახალგაზრდები კეთილშობილებით, ნიჭიერებით, გარეგნობით.
მთელი არსებით მტკივა სამივე…
დათუნა ბავშვობიდანვე გამოირჩეოდა ხატვის ნიჭით და მხატვარი გახდა კიდეც . დედისერთა ბიჭი სიყვარულის ნიჭითაც გამოირჩეოდა… ძალიან უყვარდათ ერთმანეთი დათოს და ნანას, გულწრფელად და უანგაროდ… მაგრამ არ დასცალდათ. დიდი სიყვარული და დაფასება არ აკლდათ ამ უკეთილშობილეს ახალგაზრდებს.
მზეჭაბუკივით ლამაზი, სიყვარულით სავსე და საიმედო ახალგაზრდა იყო მამუკა. ძალიან ახლობელი ოჯახის შვილი და ორი დაიკოს ნაბოლარა ძმა.
ვიზიარებ დაღუპულთა მშობლების, და-ძმების და ნათესავ-მეგობრების მწუხარებას, როგორმე გაეძლოთ ამ ტკივილისთვის, გარდასულთა სულის საცხონებლად.
თემურ, ლორიტა, ნანა, ანგელინა, ჯამბულ. თქვენში აცოცხლეთ იმიერში გადასული შვილები და ისე გალიეთ ეს ცხოვრება … ასე ვცხოვრობ მეც, პაატას გარეშე. ასე ცხოვრობს სხვა მრავალი (სამწუხაროდ)“. – წერს სოციალურ ქსელში ზუგდიდის სკოლის პედაგოგი, ნონა ჯანაშია.