შინაგან საქმეთა სამინისტროს ინფორმაციით, იმერეთსა და ქვემო ქართლში, უკანონო ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების ბრალდებით 2 პირი: 1985 წელს დაბადებული მ.ყ. და 1990 წელს დაბადებული ვ.გ. დააკავეს.
უწყების ცნობით, მ.ყ.-ის ავტომანქანის ჩხრეკის შედეგად, “მაკაროვის” სისტემის ცეცხლსასროლი იარაღი, მჭიდი და 8 საბრძოლო ვაზნა ნივთმტკიცებად ამოიღეს.
რაც შეეხება ვ.გ.-ს, ის მარნეულის მუნიციპალიტეტის სოფელ ალგეთის მიმდებარე ტერიტორიაზე გადაადგილებისას შეაჩერეს. შსს-ს ცნობით, პოლიციამ, მისი პირადი ჩხრეკის შედეგად, ნივთმტკიცების სახით ამოიღო “ნაგანის” სისტემის ცეცხლსასროლი იარაღი 6 ვაზნით.
ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს. დანაშაულები 4-დან 7 წლამდე ვადით თავისუფლების აღკვეთას ითვალისწინებს.
კომენტარები