„ჩემი ფენომენი ისეთი ფენომენია, რომელიც არავისგან არ გადაიცემ-გადმოიცემა, ეს კოსმოსიდან მოდის. მე ასეთი დავიბადე. როცა დედამიწას, ხალხს უჭირს, აი, მაშინ იწყება საოცარი ხედვები და პირდაპირ კოსმოსიდან მოდის ინფორმაცია. 17 წლის რომ ვიყავი, უკვე ზუსტად ვიცოდი, რომ 43 წლის ასაკში თაკოს გავაჩენდი“,- ამბობდა ერთ-ერთ ინტერვიუში ლელა კაკულია.
დღეს სწორედ მის შესახებ გიამბობთ.
ბავშვობა
„ჩვენ დიდი ხანია, არ ველაპარაკებით ერთმანეთს. უფრო სწორად, ის არ მელაპარაკება. ნეტავ მიზეზი ვიცოდე. არ ვიცი, რატომ. ღმერთმა სულ კარგად ამყოფოს. არადა, უკეთილშობილესია, ამას ვერ დაუკარგავ. ერთი პერიოდი თან მყვებოდა, ცივ ნიავს არ მაკარებდა, მერე არ ვიცი, რა მოხდა. შეიძლება, მე გადამედგა პირველი ნაბიჯი, მერე რა მოხდა, ადამიანური საქციელია, მაგრამ ჩემი შვილი, ჩემი პაატა რომ გარდაიცვალა, არ მოვიდა. პაატას ძალიან უყვარდა დეიდა, ოპერაცია რომ გაიკეთა, მაშინაც არ მოვიდა. ეს ცოტა მეწყინა, მეტი არაფერი.
ბავშვობიდან ჰქონდა გამორჩეული ნიჭი. ძალიან იშვიათად ლაპარაკობდა, სულ ჩუმად იყო. დაჟინებული მზერა ჰქონდა. ერთხელ სახლში ვიყავი და დედამ მითხრა, არ შეხვიდე ოთახში, ლეილას ორმოცი ჰქონდა სიცხე და ძლივს ჩაეძინა, არ გააღვიძოო. როგორ არ მენახა და ოდნავ შევყავი ოთახში თავი: ლილო, მოხვედიო? დამიძახა. შენ არ გეძინა-მეთქი და როგორ დავიძინებდი, იცი, ახლა რა მოხდა? აქ ცხენიანი კაცი იყო მოსული, გრძელი, შავი ტანსაცმელი ეცვა და მკლავზე ნემსი გამიკეთაო.
მივედი და ვნახე, რომ იმ ადგილიდან მართლა სისხლი მოსდიოდა, ნაჩხვლეტიც ემჩნეოდა. მაშინ ხუთი წლის იყო. შემდეგ დედას და დეიდას უთხრა, საძროხესთან გათხარეთ, ასე დამიბარეს, რომ იქ რაღაც არის ჩამარხულიო. მართლა გათხარეს და რაღაც შეხვეულები ამოიღეს“,- ამბობდა „თბილისელებთან“ საუბრისას კაკულიას და, ლილი ფანჩულიძე-კაკულია.
დედის ამპლუა
„არც ის და არც მამა მკაცრები არ იყვნენ. თან მგონია, რომ მანებივრებდნენ, რადგან მესამე შვილი, თან გოგო ვიყავი. მით უმეტეს, მე რომ გამაჩინა, დედა 42 წლის იყო.
მახსოვს, ზურაბ ჟვანია რომ მოდიოდა ჩვენთან. ის და დედა კაბინეტში საათობით იკეტებოდნენ და საუბრობდნენ. დედას სულ შეხვედრები ჰქონდა.
მაგრამ მეც დაკავებული ვიყავი. ასე რომ, მე ჩემი საქმეები მქონდა, დედას – თავისი. ძალიან ხშირად მივდიოდით ხოლმე სახლში ედუარდ შევარდნაძესთან.
ნანულისთან ერთად შეკვეთილში ვისვენებდით. დიდ დროს ვატარებდი სოფო შევარდნაძესა და თაკო მოსეშვილთან“,- იხსენებს კაკულიას შვილი, თამარ პატარაია.
ნათესაური კავშირი პაატა ბურჭულაძესთან
მე და პაატა ბურჭულაძე დეიდაშვილები ვართ, ერთად გავიზარდეთ. ძალიან ახლოს ვიყავით ადრე, ახლა კი მას თავისი საქმე აქვს, მე – ჩემი, თუმცა ყოველთვის ვკითხულობთ და ვგულშემატკივრობთ ერთმანეთს. ყოველთვის ვიცოდი, რომ თავისი ნიჭით ბევრს მიაღწევდა.
წინასწარმეტყველება ვლადიმერ პუტინზე
პუტინის გაქრობით კავკასია წყნარდება, ასე ვთქვათ, შეურიგდება რუსეთს, მაგრამ ყველაფერი რთულად იქნება.
პუტინის მოჩვენებითი სახე და სანდომიანი გამომეტყველება ნიშნავს, რომ ბევრი ეშმაკი მოვა კრავის ტყავში გახვეული. კიდევ ვიმეორებ: მას მოკლავენ მუსლიმები. მოკლედ რუსეთს რთული დღეები ელის.
მდიდრული სახლი
წყარო: დაიჯესტი
კომენტარები