“მოკლედ საყვარელო ოცნებავ, დადგა დრო ფიქრის, გაანალიზების და დაფიქრების! ვგონებ არჩევნებმა ეს დაგანახათ,”- ასე მიმართავს პროდიუსერი ნატო დუმბაძე ხელისუფლებას სოციალური ქსელის საშუალებით.
დუმბაძე ამბობს, რომ ხელისუფლების წარმომადგენლებს, საკუთარ შეცდომებზე დაფიქრება მართებთ. განსაკუთრებულ პრობლემად კი ხალხსა და მთავრობას შორის კონტაქტის დაკარგვას მიიჩნევს.
„ხალხს სჭირდებით და თქვენ მათთან გაწყვიტეთ კონტაქტი, მხოლოდ ტრიბუნიდან ესაუბრებით! გადით გაიარეთ ფეხით, ესაუბრეთ ხალხს ოღონდ არა პიარისთვის, უბრალოდ ადამიანურად, ყველანაირი დაცვების და მანქანის გარეშე, არავინ გერჩით! მინდა როგორც ევროპაში ისე შემხვდეთ ქუჩაში, ტრანსპორტში, ბაზარში! იცით, რამდენ რამეს მოისმენთ და თან წაგადგებათ. თქვენ ხომ არ იცით, მათ რა აწუხებთ რეალურად!“- წერს ნატო დუმბაძე.
მისი აზრით, ამომრჩევლის პრეტენზია კახი კალაძის კი არა, „ქართული ოცნებისკენაა“ მიმართული.
ეს ადამიანები კახიზე კი არ არიან განაწყენებული, არა ბატონებო კახის ღვაწლს ყველა აღიარებს. აი, ოცნებაზე კი ძალიან განაწყენებული არიან , ასე რომ
ჩამოქვეითდით და იარეთ, ისმინეთ და შეისმინეთ, შავი მანქანების და კამერებთან კოპწიაობის დრო ილევა!
P.S. და ბოლოს, სხვაზე თითის გაშვერა და გადაბრალება არ არის ღირსეული საქციელი!“- წერს ნატო დუმბაძე.
კომენტარები