შესაძლებელია თუ არა მიხეილ სააკაშვილის უკრაინაში ექსტრადირება – სამართლებრივ პროცედურებთან დაკავშირებით იურისტმა დავით ჯანდიერმა “მთავარი არხის” ეთერში, გადაცემაში “მთავარი აქცენტები” ისაუბრა.
ექსტრადირების შესახებ ხელშეკრულება გამოყენებული ვერ იქნება, იმიტომ რომ ექსტრადიციის ხელშეკრულება შეეხება მხოლოდ იმ საკითხებს, როდესაც დაწყებულია გამოძიება ან გაცემულია დაპატიმრების ორდერი ან საჭიროა გადაცემა განაჩენის აღსასრულებლად.
ერთადერთი გამოყენებადი კონვენცია ამ შემთხვევაში იქნება სტრასბურგის კონვენცია, რომელიც ეხება გადაცემას და ამ შემთხვევაში, აუცილებელი იქნება მიხეილ სააკაშვილის თანხმობა. პროცედურა არის ასეთი, როგორც უკრაინის მხარე, რომლის მოქალაქეც არის მიხეილ სააკაშვილი, ისევე საქართველოს ხელისუფლება ან თვითონ მიხეილ სააკაშვილი იქნება უფლებამოსილი რომ დაძრას ეს პროცედურა და მოითხოვოს გადაცემა… ამ პროცედურაში აუცილებელია ყველა საქმეზე იყოს განაჩენი დამდგარი და კანონიერ ძალაშიც იყოს შესული და გასაჩივრების შესაძლებლობა აღარ არსებობდეს, – ამბობს დავით ჯანდიერი.
კომენტარები