თბილისის მერობის საერთო ოპოზიციური კანდიდატის, ნიკა მელიას განცხადებით, მეორე ტურის საარჩევნო კამპანიაში სხვადასხვა პარტიის წევრებიც ჩაერთვებიან.
მელიამ გადაცემაში “მთავარი აქცენტები” კოალიციური მთავრობის მნიშვნელობაზე ილაპარაკა და თქვა, რომ ყველა ძირითად პარტიას უნდა ჰქონდეს შესაძლებლობა, “30 ოქტომბრის გამარჯვებაში მონაწილეობა მიიღოს”.ა
“ჩვენ არ ვაპირებთ მხოლოდ ნაციონალური მოძრაობის წევრების მიერ დავაკომპლექტოთ. ეს უნდა იყოს სამართლიანად გადანაწილებული, ყველა ძირითად პარტიას უნდა ჰქონდეს შესაძლებლობა, რომ წილი ჩადოს იმ გამარჯვებაში, რომელსაც ჩვენ მივაღწევთ და მოვუტანთ ამ ქალაქს 30 ოქტომბერს. ამიტომ, მე ვთავაზობ და უახლოეს დღეებში, ეს კონსულტაციები გაიმართება, ჩვენ ჩამოვაყალიბებთ ამ ჩრდილოვან ქალაქის მთავრობას და მერე უკვე გვექნება პრეზენტაცია, სადაც საზოგადოებაც დარწმუნდება იმაში, რომ ჩვენ არა მხოლოდ ვსაუბრობთ, არამედ საქმესაც ვაკეთებთ და ვგულისხმობთ იმას, რასაც ვამბობთ”,-თქვა ნიკა მელიამ.
ნიკა მელიას თქმით, სხვა პარტიის წევრებთან კონსულტაციები უახლოეს დღეებში გაიმართება.
ცენტრალური საარჩევნო კომისიის ამ დროისთვის არსებული მონაცემებით, არჩევნების მეორე ტური 64-დან 20 მუნიციპალიტეტში გაიმართება, მათ შორის ხუთ თვითმმართველ ქალაქში – თბილისში, რუსთავში, ქუთაისში, ფოთსა და ბათუმში. მეორე ტურები 30 ოქტომბერს გაიმარტება.
კომენტარები