უკვე ფაქტია, ამომრჩეველმა მთელ ქვეყანაში საკუთარი ძალა ანახა. მიუხედავად ყველა უნამუსობისა, რაც ჩვენთვის სიახლე არ იყო, ხალხმა საარჩევნო აჯანყება მოაწყო და მნიშვნელოვანი გარდატეხა მოიტანა – ამის შესახებ სოციალურ ქსელში “დროას” ლიდერი ელენე ხოშტარია წერს.
მისი თქმით, გლდანის რაიონში, წინასწარი მონაცემებით არჩევნები წააგო, თუმცა ამბობს, რომ საერთო ბრძოლაში იგივე შემართებით გადაეშვება. “ეხლა უნდა ვკონცენტრირდეთ რეფერენდუმის მეორე ტურზე, სადაც დიდი უპირატესობაა და რაც მთავარია მოქმედების რწმენა და ბოლომდე მივიყვანოთ ეს საქმე. მე საკრებულოში ვერ შევალ, მაგრამ ზუსტად ისეთივე შემართებით გადავეშვები საერთო ბრძოლაში და მივიყვანთ ბოლომდე. P.s ის რომ დროამ 2 პროცენტი აიღო ჩემთვის ძალიან მნიშვნელოვანია. სულ ახალი წამოწყება ჩემი აზრით ამომრჩეველმა კარგად მიიღო დასაწყისისთვის. ეხლა მთავარია არჩევნები და ნორმალირი პოლიტიკური პროცესი დავიბრუნოთ და მერე დროაც და ბევრი სხვა გეგმაც განხორციელდება” – წერს ხოშტარია.
კომენტარები