“მიშა გამუდმებით იმეორებდა ერთ რამეს…” – რას ამბობს ბოკუჩავა, რომელიც სააკაშვილს ციხეში შეხვდა

“ენმ”-ის წევრი, თინა ბოკუჩავა, რომელიც მიხეილ სააკაშვილის სანახავად იყო ციხეში შესული, კომენტარს აკეთებს მედიასთან და ამბობს:

“მე დღეს დავინახე მიშა, რომელიც ყველაზე მეტად უყვარდა ქართველ ხალხს და მე დღეს დავინახე მიშა, რომელიც არის ქვეყანაზე უზომოდ შეყვარებული, არა თანამდებობაზე, არა კომფორტზე, მხოლოდ და მხოლოდ თავის ქვეყანაზე.

დღეს ვარ დარწმუნებული, რომ აუცილებლად გავიმარჯვებთ, პრეზიდენტი სააკაშვილი ელოდება ამ გამარჯვებას და ბევრი ვისაუბრეთ გეგმებზე.

ძალიან ვეცადე მომეხსენებინა, რომ შიმშილობა არ არის მიზანშეწონილი, თუმცა, მისი გადაწყვეტილებაა, რომ მან გააგრძელოს შიმშილობა.

რაც შეეხება მის ექსტრადაციას უკრაინაში, სააკაშვილი ამასთან დაკავშირებით კომენტარს არ აკეთებს. ის გამუდმებით იმერებდა, რომ მისი ჩამოსვლის მთავარი მიზანი იყო დაეხმაროს ქვეყანას.

დიახ, მისი მოლოდინი იყო, რომ მოხდებოდა მისი დაკავება, სრულად ჰქონდა გაცნობიერებული ეს საფრთხე.”