როცა საუბარია რუსულ საქმესა და ინტერესებზე, ეს ყველაფერი უნდა მოვიკითხოთ სააკაშვილთან, – ამის შესახებ „ქართული ოცნების“ თავმჯდომარემ, ირაკლი კობახიძემ განაცხადა.
„მიხეილ სააკაშვილი 9 წელი აკეთებდა რუსულ საქმეს, როცა იყო ხელისუფლებაში. მან რუსეთს ჩააბარა ჩვენი ქვეყნის ტერიტორიების 20%, სტრატეგიული ობიექტები და ა.შ. შემდეგი 9 წელი უკვე ოპოზიციიდან ის ასევე აკეთებდა რუსულ საქმეს. ახლაც ის საქართველოში რუსული საქმის საკეთებლად იყო ჩამოსული. ეს კარგად იცის აბსოლუტურად ყველამ. ამიტომ როცა საუბარია რუსულ საქმესა და ინტერესებზე, ეს ყველაფერი უნდა მოვიკითხოთ სააკაშვილთან. რაც შეეხება მის დანაშაულებს, ყველამ ძალიან კარგად იცის, რა აქვს მას გაკეთებული. ის არის ძალიან მძიმე დამნაშავე და ის 6 წელიც არაფერია იმ დანაშაულებთან შედარებით, რაც მას აქვს ჩადენილი 9 წლის განმავლობაში“, – განაცხადა კობახიძემ.
კომენტარები