საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ პარტიის ოფისში გამართულ ბრიფინგზე განაცხადა”
„ნაციონალური მოძრაობის“ ჩატებიდან ჟონავს ინფორმაცია. მივმართავ მათ („ნაციონალურ მოძრაობას“), ხომ არ ეცნობათ ის სიტყვები, რასაც მე წავიკითხავ. ბოლო საათების განმავლობაში მათ ჩატებში ჩაიშალა ასეთი დავალება, ვციტირებ: „მოკლედ, კიდევ ერთხელ ახლა, ყველას, ვისზეც ხელი მიგვიწვდება ან ვწერთ, ან ვუგზავნით შუამავალს. დღის ბოლომდე უნდა ვაკეთოთ ქუჩა, შინაური, „ქოცია“ და ა.შ. გზავნილი მარტივია, გენაცვალოს ჩემი თავი, მაგრამ „ოცნებას“ წაგებული აქვს და ჩაეხსენით. ისეთ რამეს ნუ გაგაკეთებინებს ბიძინა, კალაძე, რომ მერე ვერ შეძლო დახმარება, „ქოცების“ უბნის უფროსებს, კომისიის წევრებს, ვისზეც გვაქვს „ხოდი“ უნდა შევეხმიანოთ, აუცილებელია ყველასთან კონტაქტი. უნდა იცოდნენ, რომ მოსასვლელი აქვთ და ნაკლებად შეეშინდებათ.
„სალამი, მოკლედ, კიდევ ერთხელ ახლა, ყველას, ვისზეც ხელი მიგვიწვდება ან ვწერთ, ან ვუგზავნით პირადად, ან ვუგზავნით შუამავალს. დღის ბოლომდე უნდა ვაკეთოთ ქუჩა, შინაური, „ქოცია“ და ა.შ. გზავნილი მარტივია, გენაცვალოს ჩემი თავი, მაგრამ ოცნებას წაგებული აქვს და ჩაეხსენით. ისეთ რამეს ნუ გაგაკეთებინებს ბიძინა, კალაძე, რომ მერე ვერ შეძლო დახმარება, „ქოცების“ უბნის უფროსებს (აქ უკვე განსხვავებაა, მერე როგორც ჩანს, შეცვალეს მისი მეისიჯი) კომისიის წევრებს ვისზეც გვაქვს „ხოდი“ უნდა შევეხმიანოთ, ყველას უთხარით ასე აკეთონ ჩვენებმა, ქვედა დონეზე, ნახონ ან დაურეკონ „ქოც“ ქვედა დონის ხალხს, ჩვენ ჩვენს დონეზე. ახლა ფსიქოლოგიურად უნდა მოვსპოთ ( ამას ამბობს ნიკა მელია)“, – განაცხადა მამუკა მდინარაძემ.
მისი თქმით, ასევე ჩაიშალა დავალება, რომ ყველამ ისაუბროს ღია ტელეფონით და განაცხადონ, რომ მიხეილ სააკაშვილი არის საქართველოში.
„ასევე პარტიის ლიდერების დახმარებით ყველა მაქსიმალურად უნდა დაუკავშირდეს მათ სანაცნობოს, რომლებიც არიან „ქართული ოცნების“ მხარდამჭერები. დაშინების გარეშე განუცხადო, რომ „ქართული ოცნების“ მმართველობა არის დასრულებული და იმ შემთხვევაში, თუ მხარს დაუჭერენ ენმ-ს, აღნიშნული აუცილებლად დაუფასდებათ“, – განაცხადა მამუკა მდინარაძემ.
კომენტარები