“კი, გუშინ ჩამოვიდა. ნუღარ აწვალებენ ამ პოლიციელებს, ფუჭია”, – ასე ეხმიანება „ნაციონალური მოძრაობის“ წევრი დავით კირკიტაძე შსს-ის განცხადებას იმის შესახებ, რომ მიხეილ სააკაშვილს საზღვარი არ გადმოუკვეთავს. კირკიტაძე სამართალდამცველებს მოუწოდებს ნაცვლად იმისა, რომ შეასრულონ პოლიტიკური დავალება, დაიცვან მათთვის კანონით დაკისრებული უფლებამოვალეობები.„შინაგან საქმეთა სამინისტრო, ძალოვანი სტრუქტურების, ყველა იმ პატიოსან, პატრიოტ თანამშრომელს მოვუწოდებ, ნაცვლად იმისა, რომ შეასრულონ პოლიტიკური დავალება, დაიცვან მათთვის კანონით დაკისრებული უფლებამოვალეობები, დაიცვან მართლწესრიგი საარჩევნო უბნებზე და გარწმუნებთ, როგორც შსს-ის, ისე ყველა ძალოვანი სტრუქტურის ყველა პროფესიონალი იცხოვრებს უკეთეს საქართველოში, ექნება უკეთესი პირობები. ახლა დაარბენინებს გომელაური ამ შსს-ს ნაწილებს ბათუმში და იქ კეტავენ, ახლა ნუღარ აწვალებენ ამ პოლიციელებს, ფუჭია“ – აცხადებს კირკიტაძე.
კომენტარები