“ეგ რომ შეეძლოთ, რაც უნდათ იმის დაწერა, რისთვის იწვალებდნენ” – მიშა მშვილდაძე

სამოქალაქო აქტივისტი მიშა მშვილდაძე მიიჩნევს, რომ არჩევნების გაყალბება არ მოხდება.
ამის შესახებ მშვილდაძე სოციალურ ქსელში წერს და იმ პუნქტების ჩამონათვალს აქვეყნებს, რომელთა განხორციელებაც, ხელისუფლებას არჩევნების გაყალბების შემთხვევაში არ დასჭირდებოდა.

„მაინც გააყალბებენ და რასაც უნდათ იმას დაიწერენ – ვინც ასე წერთ და ასე ფიქრობთ – აბა ამაზეც დაფიქრდით – ეგ რომ შეეძლოთ, რაც უნდათ იმის დაწერა, რისთვის იწვალებდნენ ათობით ლამაზ ლამაზი კლიპის გადასაღებად და სისხლიანი ბანერების საბეჭდად და ვითომ ვიღაც პროხოძიმეცი ბიზნესმენებისთვის ამ ბანერების დაბეჭდვის შესატენად, ან მოშეს ჩამოყვანა რატომ დასჭირდებოდათ, ან ჩემი საქართველოს დაქავერება ყოველ ჯერზე და ან თითოეული მაჟორიტარის ყველა კორპუსთან შეხვედრების ვიდეოების ბუსტვა ჯამში რამდენიმე ასეული ათასი დოლარით.
ან კარუსელების ბზრიალი და კარტოფილების რიგება, ან ბიულეტენების ჩაყრა, ან კომისიის წევრის ფრჩხილში პასტის გულის ჩამალვა ჩუმად ხელმოსაწერად ყალბი ბიულეტენების, ან მოსყიდვა, ან დაშინება და ათასი უბედურება – დაიწერდნენ პირდაპირ რაც უნდოდათ, თუ ეგ შეუძლიათ.
დაფიქრდით აბა:
ფიქრობთ?“- წერს მიშა მშვილდაძე.