“მხარდამჭერების მობილიზება შეგვიძლია 1 საათში” – ღარიბაშვილი

პრემიერმინისტრი, ირაკლი ღარიბაშვილი ამტკიცებს, რომ მესამე პრეზიდენტის სამშობლოში დაბრუნებას სამოქალაქო დაპირისპირება არ მოჰყვება და 100 000 “ქართული ოცნების” მხარდამჭერის მობილიზებაზე ხაზგასმა ამის დაანონსება არ იყო. 

ღარიბაშვილი ისევ იმეორებს, რომ ოპოზიციამ პიკის დროს, ივლისში 5 000-ზე მეტი მხარდამჭერის მობილიზება ვერ შეძლო, ხელისუფლებას კი 1 საათში 100 000 მშვიდობიანი მომხრის შეკრება შეუძლია.

“არავითარი სამოქალაქო დაპირისპირება მე არ დამიანონსებია, სამოქალაქო დაპირისპირება დააანონსეს ნაციონალური მოძრაობის წარმომადგენლება, როცა თქვეს, რომ ისინი ხელს შეუშლიან თურმე სააკაშვილის დაკავებას. მე ზოგადად ვთქვით, რომ ოპოზიციას არ შეუძლია, არ ძალუძს საკუთარი მხარდამჭერების მობილიზებაც კი, პიკის დროს, ყველაზე მთავარი, კულმინაციური მომენტი როცა იყო ივლისის თვეში, მათ 5 000-ზე მეტი მხარდამჭერის მობილიზება ვერ შეძლეს. ამის საპასუხოდ მე ვთქვით, რომ “ქართულ ოცნებას” ზოგადად ჩვენი მხარდამჭერების მობილიზება შეგვიძლია 1 საათში და მინიმუმ 100 000 ჩვენი მხარდამჭერის მშვიდობიანი დემონსტრაცია შეგვიძლია ნებისმიერ დროს განვახორციელოთ, ეს ვთქვი”, – თქვა ღარიბაშვილმა.