ირაკლი ღარიბაშვილმა ჟურნალისტებთან განაცხადა:
„კიდევ ერთხელ ვიტყვი ყველას გასაგონად, ჯერ ერთი, ბავში არ დაბადებულა და სახელს არქმევდნენო, თუ ჩამოვა ეს კაცი [სააკაშვილი], ჩამოვიდეს – თუ ჩამოვა დავიჭერთ. ვინც ხელს შეგვიშვლის, იმასაც დავიჭერთ. სამოქალაქო დაპირისპირება მე არ დამიანონსებია, ეს დააანონსეს ნაციონალური მოძრაობის წარმომადგენლებმა, როდესაც თქვეს, რომ ისინი ხელს შეუშლიან სააკაშვილის დაკავებას. მე, ზოგადად, ვთქვი, რომ ოპოზიციას საკუთარი მხარდამჭერების მობილიზებაც არ შეუძლიათ. პიკის დროს 5 000 მხარდამჭერის მობილიზებაც ვერ შეძლეს. ვთქვი, რომ ქართულ ოცნებას 1 საათში შეუძლია მხარდამჭერების მობილიზება და მინიმუმ 100 000 ჩვენი მხარდამჭერის დემონსტრაცია შეგვიძლია ნებისმიერ დროს გავაკეთოთ. სააკაშვილს არ სჭირდება 100 000 კაცი, მას სჭირდება 10 გამოცდილი პოლიციელი, რომელიც მას დააკავებს. მთავრობას აქვს სრული მზაობა, რომ დაიცვას წესრიგი“.
კომენტარები