“გირჩის” ლიდერი, იაგო ხვიჩია საქართველოს მესამე პრეზიდენტს ურჩევს, საქართველოში არჩევნებამდე ერთი დღით ადრე, პირველ ოქტომბერს ჩამოვიდეს.
მიხეილ სააკაშვილმა უნდა გადაცვალოს ბილეთი და უნდა ჩამოვიდეს 1 დღით ადრე, ან არჩევნების დღეს. არჩევნების დამთავრების მერე ჩამოსვლა არ არის საკმარისი. ეს ტაქტიკა, რომ არჩევნების მერე ჩამოვალ, ამობილიზებს ოცნების ამომრჩეველს და არა ოპოზიციის ამომრჩეველს. ამიტომ მიხეილ სააკაშვილი, როგორც ჭეშმარიტი მხედართმთავარი, უნდა ჩამოვიდეს არჩევნებამდე და არა ბრძოლის შემდეგ და წინ წარუძღვეს თავის ჯარს”- აცხადებს ხვიჩია.
მიხეილ სააკაშვილმა საქართველოში დაბრუნება მიმდინარე კვირას დააანონსა. საქართველოს მესამე პრეზიდენტის თქმით, ის ქვეყანაში 2 ოქტომბერს 23:05 საათზე ჩამოვა.
კომენტარები