საქართველოს ვიზალიბერალიზაციის ბედი ბეწვზე კიდია – ამის შესახებ საფრანგეთში მცხოვრები ქართველი ჟურნალისტი სოციალურ ქსელში წერს. გიორგი ფოფხაძის ინფორმაციით, 13 ოქტომბერს ევროკომისიის სხდომა გაიმართება, სადაც მაღალი ალბათობით საქართველოს ევროპასთან უვიზო მიმოსვლას შეუჩერებენ.
13 ოქტომბერს ევროკომისიამ 90%-იანი ალბათობით შესაძლებელია, ვიზალიბერალიზაცია შეგვიჩეროს.
ბოლო ერთი წლის განმავლობაში საქართველოს მოქალაქეების რიცხვი, რომლებიც თავშესაფარს ითხოვენ ევროპის ქვეყნებში, რადგანაც სამშობლოში ეკონომიკურ სიდუხჭირეს გამოექცნენ, არც მეტი, არც ნაკლები 51%-ით გაიზარდა.. ამბობენ ევროკომისიაში. ამიტომ 13 ოქტომბერს განიხილება საკითხი, კიდევ ერთხელ მოგვცენ თუ არა შანსი – წერს გიორგი ფოფხაძე სოციალურ ქსელში.
დასავლეთ ბალკანეთის ქვეყნების, საქართველოს, უკრაინისა და მოლდოვის მოქალაქეების არალეგალური ცხოვრებისა და თავშესაფრის უსაფუძვლო მოთხოვნების ზრდის გამო ევროკავშირი მათთვის უვიზო მიმოსვლის შეზღუდვას განიხილავს. ამის შესახებ სტატიას EUobserver აქვეყნებს.
ჩასწორება:
გერმანიის პრეზიდენტი ფრანკ-ვალტერ შტაინმაიერი “ევროობზერვერის” მიერ გავრცელებულ ინფორმაციას “ფეიკ ნიუსს” უწოდებს
“დღეს, როდესაც აქ [კიშინიოვში] ჩამოვედი, ამ შეტყობინების წაკითხვა ჩემთვისაც ისეთივე მოულოდნელი იყო, როგორიც თქვენთვის. აღნიშნულის შესახებ ბერლინსა და შინაგან საქმეთა ფედერალურ სამინისტროში მოვიკითხე და აღმოვაჩინე, რომ ეს არ იყო ნამდვილი სიახლე. ეს, უბრალოდ, ყალბი ამბებია,” – აღნიშნა გერმანიის პრეზიდენტმა.
კომენტარები