,,ევროპასთან უვიზო მიმოსვლის შეფერხება ქართული ოპოზიციის ინტერესებში შედის” ამის შესახებ ,,ქართული ოცნების” პოლიტსაბჭოს წევრმა, გია ვოლსკიმ, განაცხადა. მისი თქმით, თუ არჩევნების დროს მოვლენები დესტრუქციულად განვითარდა, შესაძლოა, აღნიშნული საკითხი ევროკავშირის დღის წესრიგში დადგეს. ვოლსკის მტკიცებით, ეს ოპოზიციას სურს, მაგრამ ,,ქართული ოცნება” არ დაუშვებს.
თუკი დესტრუქციულად განვითარდება მოვლენები და არჩევნები დესტრუქციულად ჩატარდება, შეიძლება, უვიზო მიმოსვლას შეექმნას საფრთხე, მაგრამ ჩვენ ამას არ დავუშვებთ. თუკი საქართველოში ევროკავშირის სტანდარტები არ არის დაცული და ვიზების საკითხი დაირღვევა, შეიძლება, ამას საფრთხე დაემუქროს, მაგრამ ეს არ მოხდება.
ჩვენ გავაკეთებთ ყველაფერს, რომ ეს სიხარული არ მივანიჭოთ ოპოზიციას. მიგრანტებს რაც შეეხება, მიგრანტების რაოდენობა არ იზრდება, იზრდება ტურისტების რაოდენობა – აცხადებს გია ვოლსკი.
დასავლეთ ბალკანეთის ქვეყნების, საქართველოს, უკრაინისა და მოლდოვის მოქალაქეების არალეგალური ცხოვრებისა და თავშესაფრის უსაფუძვლო მოთხოვნების ზრდის გამო, ევროკავშირი მათთვის უვიზო მიმოსვლის შეზღუდვას განიხილავს.
კომენტარები