ჯანდაცვის მსოფლიო ორგანიზაციამ (WHO) გამოაქვეყნა დამოუკიდებელი კომისიის ანგარიში, რომელიც კონგოს დემოკრატიულ რესპუბლიკაში ებოლას ეპიდემიის დროს ჰუმანიტარული მუშაკების მხრიდან სექსუალური ძალადობის ბრალდებებს ეხება. ამის შესახებ გერმანული გამოცემა Deutsche Welle წერს.
გამოცემის თანახმად, გამოვლენილია სექსუალური ძალადობის 80-ზე მეტი სავარაუდო შემთხვევა, მათ შორის 20 ინციდენტი ჯანდაცვის მსოფლიო ორგანიზაციის თანამშრომლებს უკავშირდება.
ჯანმო-ს გენერალურმა დირექტორმა ტედროს ადჰანომ გებრეისუსმა ბოდიში მოიხადა კონგოში მომხდარი სექსუალური ძალადობის ინციდენტების გამო.
უნდა აღინიშნოს, რომ 2020 წლის ოქტომბერში The New Humanitarian and Thomson Reuters Foundation–მა გამოძიების მასალები გამოაქვეყნა, რომელშიც ჯანდაცვის მსოფლიო ორგანიზაციაში დასაქმებულ მამაკაცებს მინიმუმ 30 ქალი ადანაშაულებს სექსუალურ ექსპლუატაციაში და ძალადობაში.
კომენტარები