“არავის სჭირდები, აეროპორტში რომ დაგხვდებიან იმ სამი პოლიციელის და თაკოს გარდა” – გია გაბრიჭიძე

„აი ქმარი სახლიდან რომ წავა რუსეთში საგულაოდ და რამდენიმე წლით დაიკარგება, ხანდახან კი რეკავს, მარა სულ რომ იტყუება – აი ცოტა ხანში ჩამოვალ, ბევრ ფულს ჩამოვიტან და ახალ ცხოვრებას დავიწყებთო, ეგრე დაემართათ ოპოებს და მიHას,“- წერს სოციალურ ქსელში ჟურნალისტი გია გაბრიჭიძე.
ჟურნალისტი ექსპრეზიდენტს მიმართავს და შეახსენებს, რომ დრო შეიცვალა და ახლა მისი დახვედრისთვის არავის სცალია.

„ზოგმა სხვა პატრონი იპოვა, ზოგი ბედს შეეგუა, თავისთვის ბურჭალობს, რის ვაინაჩარობით გაჭირვებით გააქვს თავი და ნელ-ნელა აწყობს ცხოვრებას.
ხომ ხედავ აღარ სჭირდები არავის აეროპორტში რომ დაგხვდებიან იმ სამი პოლიციელის და თაკოს გარდა.
ეჰ, გეუბნებოდი – დაანებე თავი, არ არიან ეგენი შენთვის ნამუსის შემნახავებითქო, მარა არ ქენი.
უნამუსო ვიყო, “პერადაჩსაც” არავინ მოგიტანს.
არადა ერთ დროს რა ბიჭი იყავ. ჭამის დროს როგორ შემოგციცინებნენ პირში, იქნებ ლუკმა გაუვარდეს და აღება ვინმემ არ დაგვასწროსო.

ეგენი კი არა, მელიაც არ დგას ჭიშკართან ცრემლიანი თვალებით.
ეეეჰ,“- წერს გია გაბრიჭიძე.

ცნობისათვის, საქართველოს მესამე პრეზიდენტი, მიხეილ სააკაშვილი, საქართველოში ჩამოსვლას 2 ოქტომბერს გეგმავს. ამის შესახებ მან გუშინ გაკეთებულ ვიდეომიმართვაში განაცხადა. სააკაშვილმა „ფეისბუკის“ ოფიციალურ გვერდზე  კიევი-თბილისის ავიაბილეთი გამოაქვეყნა.