გიორგი გახარიას გარშემო აგორებულ სკანდალს, კონკრეტულად კი ირაკლი კობახიძის მიერ გაკეთებულ განცხადებს იმის შესახებ, რომ „ქართულ ოცნებაში“ იციან, ვინ გაასინჯა გახარიას კოკაინი, გიორგი გახარიას ყოფილი ჯგუფელი და მეგობარი, გერმანიაში მცხოვრები პედაგოგი თამარ სოხაძე-ბაუერი სოციალურ ქსელში გამოეხმაურა.
„გიორგი გახარია და ლექსების კითხვა საკუთარი თვალით მინახავს და მომისმენია. გიორგი გახარია და კარგი სწავლა ეგეც კარგად ვიცი, რადგან 1996 წლის ზაფხულიდან ვინახავ წარჩინებული სწავლისთვის მისთვის განკუთვნილ ორი თვის სტიპენდიას ჯამში 50 ლარს (ლომონოსოვში გადასვლის შემდეგ სახელმწიფოს მიერ დაგვიანებით გაცემული სტიპენდია ვეღარ აიღო).
აი, კოკაინი და გახარია ჩემთვის უცხოა. 20 წლის ასაკში მსგავსი ნივთიერების მიმართ დაინტერესებულ გახარიას არ ვიცნობდი. 46 წლის ნარკომანი გახარია? და თანაც ქალთან ერთად მოკაიფე?“- წერს თამარ სოხაძე ბაუერი და მზადყოფნას გამოთქვამს გიორგი გახარიას კუთვნილი 50 ლარი დაუბრუნოს.
„რადგან სტიპენდია ვახსენე. იქნებ ის 25 წლის შემდეგ მაინც აეღო? თუნდაც საკუთარ პარტიას შესწირავდა. მე საკმაოდ დიდხანს შევუნახე,“ – წერს გიორგი გახარიას ყოფილი ჯგუფელი.
კომენტარები