ეს ის პრემიერი გახლავთ, რომელმაც ოპოზიციას ქვეყნის მოღალატეები უწოდა და დაემუქრა არჩევნების შემდეგ ძალიან ბინძური მეთოდების გამოყენებით“,- ასე აფასებს პარტია „საქართველოსთვის“ ერთ-ერთი ლიდერი ნათია მეზვრიშვილი პრემიერ-მინისტრის, ირაკლი ღარიბაშვილის გაეროს 76-ე სესიის გენერალურ დებატებზე გაკეთებული განცხადებებს. მისი თქმით, „ოცნების“ ამ აგონიას ხედავს ამომრჩეველი და შესაბამის არჩევანსაც ხალხი გააკეთებს გააკეთებს. „მე ვუსმინე მის წინა გამოსვლებს, რომელიც სიძულვილის ენის და ძალადობის წამახალისებელი იყო. ეს ის პრემიერი გახლავთ, რომელმაც 13 სექტემბერს გააკეთა განცხადება, დაემუქრა ოპოზიციას, ქვეყნის მოღალატეები უწოდა და დაემუქრა არჩევნების შემდეგ ძალიან ბინძური მეთოდების გამოყენებით. რომელ დემოკრატიულ გარემოზე ვსაუბრობთ და მშვიდ გარემოში არჩევნების ჩატარებაზე?! სამწუხაროა, მე ეს ყველაფერი არ მიხარია, ამ ყველაფრით ზარალდება სახელმწიფო. დარწმუნებული ვარ „ოცნების“ ამ აგონიას ხედავს ამომრჩეველი და 2 ოქტომბერს შესაბამის არჩევანს გააკეთებს ეს ხალხი“,- განაცხადა მეზვრიშვილმა.
კომენტარები