ჟურნალისტი იოსებ ჭუმბურიძე კოლეგას, ინგა გრიგოლიას სოციალური ქსელიდან მიმართავს.
„გრიგოლიას უნდა შევეხმიანო.
ნახეთ, შვილებზე რა თქვა თეა წულუკიანმაო?! – მიმართეთ წუხელ უკვე (სამწუხაროდ) თქვენსავით ყავლგასულ გახარიას,“- ასე იწყებს მიმართვას ჭუმბურიძე და კოლეგას თეა წულუკიანის განცხადების შინაარსს შეახსენებს.
„და რა თქვა თეა წულუკიანმა?
ნაცების ხელისუფლების მაღალჩინოსნები, რომლებმაც საკუთარ ხალხს ცხრაწლიანი ჯოჯოხეთი გამოატარეს, წარსულს ვერასოდეს გაექცევიანო და ეს წარსული მათმა შვილებმაც უნდა იცოდნენო, მათაც უნდა ახსოვდეთო.
რა არის აქ უცნაური და მიუღებელი?!“- წერს იოსებ ჭუმბურიძე.
იოსებ ჭუმბურიძე ინგა გრიგოლიას, ყოფილი ხელისუფლების მაღალჩინოსნების მიერ ჩადენილი დანაშაულებების და რამდენიმე ქართული ანდაზის გახსენებას გახსენებას ურჩევს.
„წაკითხული რომ არაფერი გაქვთ(ფილოლოგს!) ამის თქმა შალვა რამიშვილმა დამასწრო.
ვიცი, რომ ერთი-ორი ფილმი გაქვთ ნანახი.
როგორ გაგებული, – ეს სხვა საკითხია.
ზოგიერთი ანდაზისთვისაც მოგიკრავთ ყური, მაგალითად, ბაბუის ნაჭამ ტყემალზე.
შემთხვევით, ისიც ხომ არ გახსოვთ, რატომ მოიკლა თავი თორნიკე არავიძემ?
ასეთი ტრაგედიებისაგან ღმერთმა დაგვიფაროს, მაგრამ სააკაშვილების, მერაბიშვილების, ადეიშვილების, ქარდავების, კოდუების და მათთა მსგავსთა შვილებს ნამდვილად უნდა ახსოვდეთ, რა ჩაიდინეს მამებმა, სად და ვინ გააჩერა ისინი…
რა მნიშვნელობა აქვს იმის ცოდნას, თუ სად გაჩერდნენ მამები?
ამის(ამდენ) ცოდნას, რასაკვირველია, ვერ მოგთხოვთ,“ – წერს იოსებ ჭუმბურიძე.
ცნობისათვის, თეა წულუკიანმა განხილვის საგნად ქცეული ფრაზა შვილებთან დაკავშირებით, „რუსთავი 2-ის“ ეთერში, ქალაქში გავრცელებული ბანერების თემის კომენტირებისას გააჟღერა.
„მაგრამ ეს ადამიანები საკუთარ თავს ვერ გაექცევიან და ვერც მათი შვილები ვერ გაექცევიან საკუთარ ამ წარსულს,“ – განაცხადა წულუკიანმა.
კომენტარები