სახელმწიფო უსაფრთხოების სამსახურის გამოჟონილ ფაილებზე სასულიერო პირებმა კომენტარი კიდევ ერთხელ გააკეთეს. მეუფე იაკობმა აღნიშნა, რომ არ ინტერესდება რა არის ამ ფაილებში, მისი თქმით, ყველას და ყველაფერს მიეხედება.
მეუფეს არ დაუკონკრეტებია რას გულისხმობდა ამ ფრაზაში.
“არანაირად მე საერთოდ არ ვინტერესდები, არც მაინტერესებს რა არის. დაგვაცადეთ, ყველას და ყველაფერს მიეხედება”, – უთხრა მან ჟურნალისტებს.
მოსახლეობის ტოტალურ მოსმენებს, მათ ჩაწერას და გავრცელებას ბოროტება უწოდა მარნეულისა და ჰუჯაბის ეპარქიის ეპისკოპოსმა:
“თუ ესეთი ტოტალური უკანონო მოსმენები, მიყურადება ხდება ჩვენ სახელმწიფოში, ეს არის დიდი ბოროტება. მოკლედ მინდა გითხრათ ეს”, – თქვა მან.
რა იქნება საპატრიარქოს პასუხი, ან აპირებს თუ არა რაიმე ფორმით გამოხმაურებას, მეუფე გიორგის არ დაკონკრეტებია.
კომენტარები