ჟურნალისტი მერაბ მეტრეველი ტელეკომპანია „იმედის“ ეთერში გუშინ გასულ სიუჟეტს სოციალურ ქსელში გამოეხმაურა.
„გუშინ “იმედზე” გადავრთე და რას ვხედავ: ვენის ქუჩებში ავსტრიელი ექიმი გარბის და ქართველი ჟურნალისტები მისდევენ.
გახარიას ვინც კვლევა ჩაუტარა, ის უპოვიათ.
კი იძახა, პაციენტის შესახებ ინფორმაციის გაცემის უფლება არ მაქვსო, მაგრამ არაფერმა უშველა.
ვერც პოლიციის გამოძახების მუქარამ იხსნა.
ბოლოს სადარბაზოში შეასწრო,“- წერს მერაბ მეტრეველი.
ცნობისათვის, ტელეკომპანია „იმედის“ გადამღები ჯგუფი ავსტრიაში, ვენის იმ კლინიკაში იმყოფებოდა, სადაც გიორგი გახარიამ ნარკოლოგიური შემოწმება ჩაიტარა.
„იმედის“ ჟურნალისტი ქეთევან ქარდავა ვენაში ჩავიდა და შეეცადა გაერკვია, ჩაიტარა თუ არა პარტია „საქართველოსთვის“ თბილისის მერობის კანდიდატმა გიორგი გახარიამ კლინიკა RUDOLFINERHAUS-ში ნარკოტესტი, რომლის შედეგები მან სოციალურ ქსელში გაასაჯაროვა,”- ნათქვამია ტელეკომპნია “იმედის” მიერ გავრცელებულ ინფორმაციაში.
კომენტარები