ქართველოში იარაღის ტარება დაშვებული უნდა იყოს – “გირჩის” ერთ-ერთი ლიდერი, იაგო ხვიჩია იაღარის ტარების ლეგალიზაციას ითხოვს. მისი განმარტებით, იარაღის აკრძალვას შინაარსი არ აქვს. ხვიჩას თქმით, მიზეზი რის გამოც იარაღი აკრძალულია არის არა ის, რომ ერთმანეთს დავხოცავთ, არამედ ის, რომ მიტინგზე ხალხს მთავრობა ვერ გალახავს.
“ საქართველოში იარაღი სულ ლეგალიზებული იყო, სანამ კომუნისტები მოვიდოდნენ. ქართველ კაცს სულ ჰქონდა იარაღი და მას ეს უნდა დაუბრუნდეს. იარაღი წაგვართვეს მაშინ, როდესაც ჩვენი დატყვევება და დამონება გადაწყვიტეს და გამოუვიდათ კიდეც. მერე, საბჭოთა კავშირი დავშალეთ, მაგრამ ამ თემაზე უბრალოდ, არ გვიფიქრია.
იარაღი კი არ კლავს, არამედ ადამიანები კლავენ, მთავარია გადაწყვეტილების მიღება ადამიანის მოკვლაზე. ნებისმიერი საშუალებით შეიძლება, ეს მოხდეს. ამიტომ, იარაღის აკრძალვას შინაარსი არ აქვს. ქვა იყო პირველი მკვლელობის იარაღი, ასევე, არ არსებობდა ავტომატური ცეცხლსასროლი იარაღები, მაგრამ ადამიანები ერთმანეთს კლავდნენ.
ჩვენ პისტოლეტი ავკრძალეთ არა იმიტომ, რომ ადამიანებს ერთმანეთი არ დაეხოცათ, არამედ იმიტომ, რომ დატყვევებულ მოსახლეობას კომუნისტების შემოსვლის მერე იარაღი არ აეღო ხელში და კომუნისტები არ დაემხო, სულ ეს იყო. ახლაც ეგაა მიზეზი, რის გამოც იარაღი აკრძალულია – არა ის, რომ ერთმანეთს დავხოცავთ, არამედ ის, რომ მიტინგზე ხალხს მთავრობა ვერ გალახავს“. – წერს იაგო ხვიჩია.
კომენტარები