კავკასიის უნივერსიტეტის ლექტორი ნინო მახარაშვილი-ბარათაშვილი გარდაიცვალა. როგორც გარდაცვლილის ოჯახის ახლობელი ამბობს, მახარაშვილს კორონავირუსის გადატანიდან ორ თვეში სისხლის დაავადება დაუდგინდა, რამაც მისი სიცოცხლე იმსხვერპლა.
“შარშან დაინფიცირდა კორონავირუსით, ინფიცირების შემდგომ, ორ თვეში გახდა ცუდად და აღმოაჩნდა მრავლობითი მიელომა, სისხლის დაავადება. შემდგომ თურქეთშიც წაიყვანეს, სწორედ იქ დაუსვეს ეს დიაგნოზი. ბოლო 2 თვეა ძალიან ცუდად იყო, დღეს გარდაიცვალა” – ყვება ambebi.ge-სთან მახარაშვილის ახლობელი.
ახალგაზრდა ლექტორის გარდაცვალებას სოციალურ ქსელში მისი ახლობლები, სტუდენტები და მეგობრები ეხმაურებიან:
“ეს რა საშინელი ამბავია ქალბატონო ნინო !!! რა უსამართლოა ეს ცხოვრება , არც კი მჯერა ან როგორ უნდა დავიჯერო ნათელი და სანთელი შენს ლამაზ სულს უთბილესო ადამიანო როგორ დამწყვიტეთ გული, თითოეული ჩვენი შეხვედრა წინ დამიდგა რა საშინელებაა”
“საუკეთესო დეკანი ნამდვილად ყველას დააკლდება ეს უნიჭიერესი პიროვნება”
“ყველაზე ძალიან მიხაროდა შენი ნახვა გუშინ ვიყავი სამსახურში, გეძებდი, გიკითხე სად არის-მეთქი ნინ მიყვარხარ ძალიან და სულ მეყვარები”
ნინო მახარაშვილი წლების განმავლობაში კავკასიის უნივერსიტეტში მუშაობდა. ის ბიზნესის ფაკულტეტის დეკანი იყო.
კომენტარები