პრემიერ ირაკლი ირაკლი ღარიბაშვილის ცოლის და, ნათია თამაზაშვილი სოციალური ქსელით ეხმაურება ,,პირველის” რეპორტაჟს, რომლის მიხედვითაც, მისი სიძის პრემიერობისას ბიზნესმენის ნაჩუქარ ბინაში ცხოვრობს. ნათია თამაზაშვილი წერს:
,,ვფიქრობდი, საერთოდ ღირდა თუ არა, ამ სამარცხვინო ხალხის მიერ სამარცხვინო გადაცემაზე რეაგირება მომეხდინა, მაგრამ კმარა!!! ჩემ უკან ჩემი ოჯახია და ამას ნამდვილად არ იმსახურებენ! ისიც მართალია, ჩემ გარშემო ყველამ იცის რეალობა და ისიც, თუ ვის დაკვეთებს ასრულებენ ამ ტყუილების ტირაჟირებისას, მაგრამ ჩემს ფეისბუქმეგობრებში ჩარჩენილი, მოღალატე და გულისამრევი ხალხის გასაგონად ვწერ!
მე არავის ნაჩუქარ ბინაში არ ვცხოვრობ და არც ნახევარი მილიონი ღირებულების ქონება მაქვს! 3 ოთახინი ბინა მე და ჩემმა მეუღლემ დაოჯახების მერე შევიძინეთ მშობლების დახმარებით და დღემდე ვაგრძელებთ ცხოვრებას (განსაკუთრებული მადლობა მინდა, ვუთხრა ჩემს ემიგრანტ დედამთილს ყველაფრისთვის!).
პრესტიჟულ ადგილს რაც შეეხება, ვისთვის როგორ! თქვენთვის ალბათ მასეა და მეტს ვერც ნახავთ! მანდედან რომ გადავალ და პრესტიჟულ ადგილზე შევიძენ ბინას (სადაც ჩემს შვილებს თავიანთი ოთახები ექნებათ), აუცილებლად გაგაგებინებთ ყველა დაინტერესებულ პირს თქვენი ბოროტი გულების “გასახარად!”
მეცოდებით, რადგან ზუსტად ვიცი, რომ ჩემს ოჯახზე ამდენი ცილისწამების გამო აუცილებლად დაგიბრუნდებათ უკან თქვენივე სიბინძურეები”.
კომენტარები