თავდაცვის ყოფილი მინისტრი ირაკლი ოქრუაშვილი თბილისის მერის თანამდებობაზე ხმის მიცემას არინზე რიჩარდ ოგბუნუჯუსთვის აპირებს. ამის შესახებ ოქრუაშვილი სოციალურ ქსელში წერს.
„რეფერენდუმი, პლებისციტი და აპოკალიფსი არ ვიცი მე. ამ კაცს ვაძლევ ხმას და ვიღაცის ხმა არ გავიგონო,“ – წერს ოქრუაშვილი.
ცნობისთვის, იბოს მეფე, არინზე რიჩარდ ოგბუნუჯუ თბილისის მერობის კანდიდატად პარტიამ „გაერთიანებული საქართველო“ წარადგინა. მისი საარჩევნო ნომერია 23. არინზე რიჩარდ ოგბუნუჯუ ნიგერიიდანაა და 30 წელზე მეტია, საქართველოში ცხოვრობს. ჰყავს ქართველი ცოლი და ფლობს ქართულ ენას.
კომენტარები