რუსი ოპოზიციონერი აქტივისტები აცხადებენ, რომ Google-ი და Apple-ი კრემლის მხრიდან ზეწოლას დაემორჩილნენ. ინფორმაციას ამის შესახებ სააგენტო Reuters-ი ავრცელებს.
ალექსეი ნავალნის აპლიკაცია, რომელიც „ჭკვიანი ხმის მიცემის“ ფუნქციას შეიცავს, App Store-დან და Google Play-დან ამოიღეს. აპლიკაცია ხალხს დეტალურ რეკომენდაციებს აძლევს, თუ ვის მისცენ ხმა მმართველი პარტიის საარჩევნო შანსების შესამცირებლად.
ლეონიდ ვოლკოვი, ალექსეი ნავალნის მოკავშირე აცხადებს, რომ Google-ი და Apple-ი კრემლის შანტაჟის კამპანიას დაემორჩილნენ.
„ეს სამარცხვინო დღე დიდხანს დარჩება მეხსიერებაში“, – განაცხადა ლეონიდ ვოლკოვმა.
ალექსეი ნავალნის კიდევ ერთმა მოკავშირემ, ივან ჟდანოვმა კომპანიების ქმედებას შეცდომა და პოლიტიკური ცენზურის სამარცხვინო ქმედება უწოდა.
Reuters-მა დამოუკიდებლად გადაამოწმა და დაადასტურა, რომ აპლიკაცია მიუწვდომელი იყო Apple AppStore-სა და Google Play-ზე რუსი მომხმარებლებისთვის, ხოლო აპლიკაციის ადრე გადმოწერილი ვერსიები არ მუშაობდა.
დღეს რუსეთში საპარლამენტო არჩევნები დაიწყო. ხმის მიცემის პროცესი 3 დღის განმავლობაში, 19 სექტემბრამდე გაგრძელდება.
კომენტარები