“საქართველოს სახელმწიფო თავიდანაა დასაფუძნებელი, თან ისე, რომ თავიდანვე გამოირიცხოს ბოლო 30 წლის შეცდომები,” – ამის შესახებ სოციალურ ქსელში წერს პუბლიცისტი, ბერლინის ლიტერატურისა და კულტურის კვლევის ცენტრის მეცნიერ-თანამშრომელი ზაალ ანდრონიკაშვილი. ანდრონიკაშვილის თქმით, საქართველო არის პოლიციური სახელმწიფო, რომელსაც აქვს დემოკრატიული ფასადი და თუ ხალხმა ხმა არ ამოიღო, საქართველო ჯერ დაასრულებს ბანანის რესპუბლიკად გადაქცევას, შემდეგ კი გაქრება რუკიდან.მასობრივი მოსმენების შესახებ ინფორმაციის გავრცელების შემდეგ რამდენიმე რამე უნდა ვთქვათ:1. სისტემატურად უსმენენ ყველას (ყველა ოდნავ მნიშვნელოვან საჯარო ფიგურას).2. უსმენენ დანამდვილებით: ვისაც მიუწვდა ხელი საკუთარ მონაცემებზე, ადასტურებს, რომ მსგავსი საუბრები შედგა.3. ამ მასშტაბით, მგონი, აღმოსავლეთგერმანული შტაზი უსმენდა მოქალაქეებს.4. დასკვნა პირველი: საქართველო არის პოლიციური სახელმწიფო (რომელსაც აქვს დემოკრატიული ფასადი).5. ეს სახელმწიფო პოლიციურია, იმიტომ რომ დემოკრატიული კონტროლი ე.წ. სამართალდამცავ, სინამდვილეში დამნაშავე ორგანოებზე არ არსებობს. 6. დასკვნა მეორე: ფაქტობრივად დიაგნოზია ურეაქციობა საიდუმლო ჩანაწერების გავრცელებაზე: საქართველო დემოკრატიულთან ოდნავ მიახლოებული ქვეყანა რომ იყოს, მთავრობა უნდა იყოს გადამდგარი. 7. რა უნდა გააკეთოს “ქართულმა ოცნებამ” უარესი, იმაზე რასაც აკეთებს, ძნელი წარმოსადგენია: შემდეგი ნაბიჯი ვეგეტარიანულიდან სისხლიან დიქტატურაზე გადასვლაა.8. წარმოუდგენელია “ქართული ოცნების” მხარდამჭერთა მდგომარეობა: მეგობრებო, თქვენი მთავრობა ფაქტობრივად შარვალჩახდილი დარბის, თქვენ კი, განსაკუთრებით ისეთები, რომლებიც “ზნეობრივ ნიურნბერგს” მოითხოვდით, გასუსულხართ და ყვავილებს პოსტავთ. ხმა მაინც ამოიღეთ და ცალყბად მაინც თქვით რას ფიქრობთ, სარკეში ჩახედვის მაინც რომ არ შეგრცხვეთ.9. დასკვნა მესამე: საქართველომ, რაღაც გაგებით, უკვე გაიარა დაუბრუნებლობის წერტილი. საქართველოს სახელმწიფო თავიდანაა დასაფუძნებელი, თან ისე, რომ თავიდანვე გამოირიცხოს ბოლო 30 წლის შეცდომები: ა) პოლიციური სახელმწიფო ბ) ერთმმართველობის შესაძლებლობა გ) ცენტრალიზაცია დ) კანონმდებლობა, რომელიც პრივილეგირებულ მდგომარეობაში აყენებს რომელიმე ინსტიტუტს ან სოციალურ ჯგუფს. 10. ეს თუ არ მოხდა უახლოეს 1-5 წელიწადში საქართველო ჯერ დაასრულებს ბანანის რესპუბლიკად გადაქცევას, შემდეგ კი გაქრება რუკიდან, ამჯერად, შესაძლოა სამუდამოდ, რადგანაც ყველა, ვისაც რამის გაკეთების საშუალება აქვს, ქვეყნიდან ან წავა ან განადგურდება. – წერს ზაალ ანდრონიკაშვილი.
კომენტარები