“ვინ მოგცათ უფლება ჩაწეროთ პატრიარქი, ჩვენი მოძღვრები და შეეხოთ აღსარების საიდუმლოებას? ეს იქნება თქვენი დასასრული” – მამუკა ხაზარაძე

“ლელოს” ლიდერი, მამუკა ხაზარაძე, “ტვ პირველთან” ამბობს:

“ამოვარდა რამოდენიმე ჩემი საუბარი სასულიერო პირებთან, ადამიანები მოდიან და მაჩვენებენ ჩემ საუბარს ჩემ მოძღვართან. დეპუტატი მამუკა ხაზარაძე მოგმართავთ, ხვალვე დამიბაროთ პროკურატურაში, რომ დავადასტურო ამ ჩანაწერების ავთენტურობა.

რატომ გვისმენთ უკანონოდ? ერთადერთი ინსტუტუციაა ეკლესია, რომელსაც რეიტინგი აქვს და ჩვენი მოქალაქეები ნახულობენ ნავსაყუდელს.

ვინ მოგცათ უფლება ჩაწეროთ პატრიარქი, ჩვენი მოძღვრები და შეეხოთ აღსარების საიდუმლოებას? პრემიერო, ძველო, თუ ახალო, ახლა რომ თავს იბრიყვებთ, თქვენ ბანანის ქვეყანა ხომ არ გგონიათ ეს?

ეკლესია არის სასულიერო დასის და მრევლის ერთობა, თქვენ უსმენთ იმ საიდუმლოებას, რომელთანაც შეხების უფლება არავის აქვს. ეს იქნება თქვენი დასასრული. რა გგონიათ, ჟურნალისტებს რომ იბარებთ და გამავრცელებლებზე გადაგაქვთ, დაიბარეთ, ვინც ეს დაგეგმა, ვინც ეს მოწყობილობა იყიდა, ჩაწერა და და მერე ბიძინა ივანიშვილს აუტანა. გამოდით და პროტესტი განაცხადეთ. ნუ ხართ ჩამჯდრები ტელევიზორთან და სეირის მაყურებლებად ნუ იქეცით. ეს ჩანაწერები სასწრაფო წესით უნდა განადგურდს. მახსოვს ღარიბაშვილის გამოსვლა, როცა თვალთმაქცურად, ნაციონალური მოძრაობის ჩანაწერებს ანადგურებდა. თქვენ რა ქენით? უფრო დიდი სისტემა შექმენით, ხო?

როგორც არასდროს, ისეა დღეს ეკლესია დასაცავი!”