სუსიდან გამოჟონილი ახალი ფაილებით დგინდება, რომ პატრიარქი ილია მეორე გადადგომას აპირებდა. გადაწყვეტილება მას მისმა ძმისშვილმა, მეუფე დიმიტრიმ შეაცვლევინა. აღნიშნულ ინფორმაციას „ტვ პირველი“ ავრცელებს.
“ველაპარაკე ძალიან მკაცრად ” – ეს არის ციტატა მეუფე დიმიტრი შიოლაშვილისა და პატრიარქის თანაშემწის, დავით ჭინჭარაულის საუბრის ჩანაწერიდან.
დ. ჭინჭარაულმა განაცხადა, რომ ილია მეორის ინიციატივის შესახებ სეიტყვეს “ზემოთ” და საპატრიარქოს განუმარტეს, რომ დაუშვებელია მსგავსი გადაწყვეტილების მიღება, რადგან აღნიშნული გადაწყვეტილება უარყოფითად აისახება, როგორც მოსახლეობის განწყობაზე, ასევე ხელისუფლების რეიტინგზე, აღნიშნულ მოსაზრებას დაეთანხმა დიმიტრი შიოლაშვილი”, – წერია დოკუმენტში.
ოპერატიული ცნობებიდან ირკვევა, რომ სახელმწიფო უსაფრთხოების სამსახურს ამ თემაზე ათობით დანოსი აქვს დაწერილი. ვითარების გასარკვევად “ოცნებამ” საქმეში ანზორ ჩუბინიძეც ჩართო. ფაილების მიხედვით, ანზორ ჩუბინიძე პატრიარქის დაცვის უფროსს ვანო კობაიძეს უკავშირდება და არკვევს რა საკითხზე ჩაინიშნა სინოდის შეხვედრა.
ოპერატიული ცნობებიდან დასტურდება ისიც რომ, ხელისუფლება არა პატრირქის გადადგომაზე არამედ მისი რეიტინგის დაცემაზე დარდობდა.
„ტვ პირველი“
კომენტარები