რისგან და ვისგან იცავდა “იმედი” გახარიას? – რას იხსენებს მამუკა მდინარაძე

“ქართული ოცნების” ერთ-ერთი ლიდერი, მამუკა მდინარაძე, ყოფილი თანაგუნდელის და პრემიერის, გიორგი გახარიას განცხადებებსაც გამოეხმაურა და თქვა:

“დღეს ვნახეთ თავდასხმა “იმედზე”, მაშინ, როცა “იმედი” მას იცავდა ამორალური კამპანიისგან და ეს ამორალური კამპანია მოდიოდა იმ ტვ პირველისგან და დღეს უკვე პირიქით ატრიალებს ამ ყველაფერს და ლაპარაკობს იმათ საწინააღმდეგოდ, რომელმაც მისი სიმართლე, თუ რაიმე ნაწილში მისი სიმართლე მდგომარეობდა. მყარად დაიცვა. უხერხულია მისი მხრიდან და არა მხოლოდ ტელევიზიაზე ვიხილეთ თავდასხმა, ვიხილეთ თავდასხმა სამხარაულის ეროვნულ ბიუროზე, სამსახარაულზე თავდასხმა არ მოფიქრებია ნაციონალური მოძრაობის ლიდერებსაც კი. არავინ ფიქრობდა არც კოკაინზე, არც მსგავსს საკითხებზე და ჯანსაღი ცხოვრებსი წესზე დაწყებული კამპანია, გადაიქცა თავის მართლების კამპანიად, აპირებენ უცხოეთში ბანკებით სირბილს, საქართველოში, თურმე უხერხულია და უცხოეთში კარგია ბანკებით სირბილი.”

დღეს გახარიამ განაცხადა:

“ჩვენ გვაქვს უტყუარი ინფორმაცია, პირდაპირ სამხარაულის ექსპერტიზის ბიუროდან იმ პროვოკაციის შესახებ, რომელიც მზადდებოდა ოცნების ბოსების მიერ დაგეგმილ ტესტირებასთან დაკავშირებით, რომელიც უნდა გამეკეთებინა მე.

იმისთვის, რომ არავის მივცეთ შესაძლებლობა სპეკულაციებისთვის, მე არ ჩავაბარებ ამ ტესტს აქ, კომერციულ ლაბორატორიებში, არამედ გადავდგამთ იმ ნაბიჯს, დავკარგავთ ერთ დღეს საარჩევნო კამპანიისთვის და გავფრინდებით ევროპაში, საერთაშორისო ლაბორატორიაში, სადაც ჩავაბარებ თმის ანალიზსს, რომელიც არის ყველაზე უტყუარი და დროში ინახავს მონაცემებს. ანალიზის პასუხი იქნება 2 კვირაში და პასუხი იქნება საჯარო”