ტვ პირველის საინფორმაციო სამსახურის ხელმძღვანელის, ნოდარ მელაძის, ინფორმაციით, სკანდალური ფაილების მიხედვით სახელმწიფო უსაფრთხოების სამსახური არა მარტო მართლმადიდებლური ეკლესიის, არამედ, სხვა რელიგიური კონფესიისა და უცხო ქვეყნების საელჩოების წარმომადგენლებს უსმენდა.
ჩანაწერები ადამიანებზე შანტაჟის მიზნით იყო გამოყენებული, სუსი თავისი აგენტების მეშვეობით და მხოლოდ ფარული ჩაწერების საშუალებით არ უთვალთვალებდა ეკლესიას. გვარებით და სახელებით ირკვევა, რომ სუს-ს ჰყავს ჩანერგილი სასულიერო პირები, ეკლესიაში მომუშავე ადამიანები, რომლებიც გამოიჭირეს კომპრომატებით და აიძულეს, გამხდარიყვნენ ფარული აგენტები. ინფორმაციის ერთ-ერთი წყაროს ეს ადამიანები წარმოადგენენ. დოკუმენტში ჩამოწერილია სახელები, გვარები, ამთ შორის იმ სასულიერო პირების, ვისაც სახელმწიფო უსაფრთხოების სამსახურთან გაფორმებული აქვს ეს თანამშრომლობა.
აქ არ უსმენდნენ მარტო მართლმადიდებლურ ეკლესიას, უსმენდნენ ჟურნალისტებსაც, მათ შორის ჩემს ,,ვოცაფს” ჯერ კიდევ 3 წლის უკან, უსმენდნენ ეკა კვესიტაძესაც..
უსმენდნენ სხვა რელიგიური კონფესიის წარმომადგენლებსაც, დოკუმენტებში არის რუსუდან ბოლქვაძის, მალხაზ სონღულაშვილის და სხვათა საუბრების სტენოგრამები, უსმენდნენ დიპლომატებსაც.
ეს იქნება ნამდვილი დიპლომატიური კატასტროფა, როცა ჩვენი მეგობარი ქვეყნები გაიგებენ, რომ მათი საელჩოების წარმომადგენლებს სუსი უსმენდა – განაცხადა ნოდარ მელაძემ.
კომენტარები